Shan Ramthen Ah Riithai Sii Ks 38 Billion Man An Tleih Hna

Shan ram nitlak le ah a um mi Kuat Khai myohne chung ah Ks 38 billion man nak tam a si mi riithaisi le cu rithai sii an sersiam nak thilri pawl an tleih tiah thawng theih a si. Hi an tleih mi hi a ngeitu hodah a si tiah theih a si rih lo tiah zong Tatmadaw vuanci lei nih an langhter ning a si.

Cun Shan ramchung Kuat Khai myohne chung ah lungchungzi ralkap pawl nih Feb 28,29 le March 1 zong ah khan a ngeitu theih lo mi riithai sii tam taktak kan tleih cang tiah an langhter ve. Tatmadaw lei nih an chim ning ah cun “rithai sii an theih mi hna hi hur sii, bing rang le adang dang rithai sii pawl an si hna tiah an chim i cheukhat cu chemical he cawh mi pawl an si hna caah tihnung ngai mi thil tampi zong an i tel chih tiah Tatmadaw lei nih cun an langhter.

Kawlram chung ah hin 2019 kum chung ah bing an cinthlak nak hmunhma hi 11 % cu a tumchuk tiah UNODC nih thawngthanh nak an tuah ko nain Shan ramchung khuate deuh pawl ah hin a ngeitu theih lo in hur sii le bing rang pawl an theih mi hna hi a taktuk ngamsam cang tiah thawngtheih a si.

Ref: BBC

 201 total views,  1 views today

This function has been disabled for Chin 11 News.