Tu zaan zaanttim sml. 1:00 hrawng in Chin Oo Sii sang hrawng in bomb puah thawng le meithal kah thawngpang pehzul in a thang. Khuami pakhat nih, “Bomb puah thawng a thang taktak. Sml. 1:00 hrawng khan aa thawk. SAC ralhrang lei nih Drone zong an thlah,” tiah a chim.
Kahdohnak ruang ah maw a si (asiloah) SAC ralhrang nih puah thlorh in an puahmi dah a si timi fiang in theih a si lo. The Chin Journal
Relchap:Tuzaan suimilam 1:00Am ah hakha khuapi ah kahnak a chuak than tiah theih a si. Kan tihtuk i a tuhi zeitiawk kan hngallo tiah minung pakhat sin in kan theih. Cun Tuzaan an i kah hi cu hlan he a lo lo. Bomb deuh lawng lawng a si i, meithal thawng cu a tlawm te i a tuhi an i kap cuahmah ko. Bom thawng lawngte pehtlai in a thang ko, tihnung khi tiah mi pakhat nih a chim.
A tuhi a voi thumnak an i kah a si cang tiah a chim chih. September ni 5 ah ah kahnak a chuak cang, cun september ni 7 zaan ah an i kap i khuachung mi pakhat zong hliam a tuar tiah a chim, cun tuzan hi a voithumnak si i tuzaan cu meithal thawng nak in bomb thawng ko hi a tam caah tihnung a si tiah a chim. A tu zong hi Myopatlan ah ralkap meithal a puahcuahmah ko tiah a chim. An i Kahnak hmun hi Chin Oo Sii tlak lai a si i ralkap meithal aw lawngte a si hoi than tiah hakha ummi nih a chim.
A tutiang hi suimilam cheu leng a si cang nain an dai hlei lo i an i kap cuahmah ko. A tu i an i kahnak bik le a tutiang in a dai rih lonak hi Chin Oo Sii tlak lei ah a si tiah a chim. kan tihtuk i i hngil ngamding a si lo kan tih tuk tiah a chim.
Leave a Reply