Poah(ေပါက္) peng chaklei Ttatkung(တပ္ကုန္း) khua mipi umnak inn cu ralhrang phu hna nih nihin September 3,zinglei ah meikhangh in an hrawh tiah khuami hna nih Khit Thit Media ah an chim.
“Ralhrang hna nih inn pakhat cu mei in an khangh, innhnih cu an hrawh,cu thil tuah tu hna cu khua chaklei ah umhmun khuar mi ralhrang phu hna an si” tiah khuami pakhat nih a chim.
Cun nizaan September 2 zongah, Poah(ေပါက္) peng Wanchung khua(ဝန္ျခဳံး) phungki sianginn ah umhmun khuar mi ralhrang phu hna nih Wanchung khua mipi umnak inn cu meikhangh in an hrawh tiah theih a si.TCP
Relchap:Ralhrang nih nawlngeihnak an lak ni(214) chungah thah a tong mi, minung (1043) tiang an phan AAPP nih September 2 tiang cathanh an chuah ning ah,Kawlram chung ralhrang phu hna nih hramhram in nawlngeihnak an lak mi ni 214 chung ah ramchung mipi 1043 tiang hramhram in thah an tong tiah theih a si.
Tlaihkhih a tong mi hna dihlak hi 7768 tiang an phan, tutiang ah thlah a si rih lo mi dihlak cu 6132 an si.Tlaihding nawlchuah mi dihlak cu 1984 an si.
Nawlngeihnak la tu ralhrang phu hna nih hramhram in minung an thahnak ah Yangon in minung tambik thanh an tong,cun Mon ramkulh in nunnak liammi hi minung 12 an si, tlaihkhih a tong mi dihlak cu 400 leng an si.ကိုးကား – AAPPThan Lwin Times;TCP
Leave a Reply