Saya Van Tum Nih A Theih Khawh Lomi Lehnak Phun Kua (9)

US President Trump a doh ngai mi le a huat ngai mi, Trump supporter pawl heh tiah a soisel tawntu Saya. Van Tum nih heh tiah Trump a soisel mi kong le a thangchiat mi kongah Chinmi Trump Supporter pawl heh tiah a soisel tawn mi kongah madison nih fiang taktak in lehnak a van tuah cang! Chinmi Trump supporter pawl nih Trump kan uarnak ruang bik cu mah hna hi a si. Ma ka tial mi hnu ah na fian lo a cun, Democrat policy fih nung ning le khifa caah tih nung ning ka vun tial than lai!

Pakhatnak – Trump hi politician bantuk in ka lawng in bia a chim mi a si lo. US President nih an rak chim peng mi, President ka si a cun ka tuah lai tiah biakamnak an rak tuah tawn mi, natein Kum 8 an tuan zong ah an tuah ngam lo mi cu President Trump nih kum 4 cu chim lo, President rian a thawk bak in a kum hnihnak December 6, 2017 ah Jerusalem cu Isreal khualipi/capital ah a phuan. Khrifa caah uar lo awk tha lo. Natein liberal caah cun uar ngam ding si lo!

President a rak tuan cang mi pawl nih mak an ti tuk in an lau bak ko kha. Na pu Obama le Joe Biden cu mit aunak hmang an ngei ti lo kha. Jerusalem hi Israel khualipi ah kan phuan a cun raltuknak voihthumnak a chuak lai tiah tih buin an rak um mi kha Trump nih fawitein kum hnih bak in a lim kha na fian ding ah ka duh! Trump nih cun bia aa kam bantuk in a tuah. Zeibantuk thil a tlung zongah ka biakam mi cu ka dirpi lai tiia a chim ning bantuk in a tuah mi pasal tha a si.

Pahnihnak- Obama President a rak si lio ah (Joe Biden vice President) America ropuinak nak in Liberalism, Socialism, Communism lei ah heh tiah an kal ning kha ramdang zong nih mak an ti tuk i heh tiah an ceih tawn kha. Asinain Trump nih Khrifa sinak cu heh tiah a vun cawisang than. Khrifa nih uar lo awk tha lo!

Pathuamnak- Democrats pawl nawlngeinak an ngei poah in Taluk/China (Khrifah zei a rel lo mi, heh tiah a hremtawntu, Biak inn heh tiah a hrawk piak tawn tu) a lian chin leng mang tawn. Russia nih heh tiah ka thawngbik ti bantuk in a zia a chuah tawn. Middle east ah tapung pawl tih an nung chin lengmang cun, North korea chiandeih bantuk in heh tiah a au tawn mi, Iran nih Israel cu heh tiah a tlerh tawn mi vialte hna kha Trump President a vun si bak in daihtein an um dih. Uar lo awk tha lo hme cu Trump Cu!

Palinak – US Economy cu heh tiah a vun serthan i, (Obama nih Trump cu Magic maw a thiam tiah a rak chim mi a hnuah mak a ti tuk i a lau mi kha). CNN economist 1 zong nih miracle/thilmak tiah a chim mi kha. Midik nih cun Trump hi uar lo awk tha bak lo ee!

Panga nak- Cun tapung tih nung tuk mi ISIS (Obama nih zeitin hman a tuah khawh lo mi hna kha) Navy seal hmangin a daiter dih hna. Middle east ah Remnak le dainak President a rak si cang mi nih an tuah khawh bal lo mi kha a vun tuah dih. Pathian fa le nih cun Trump hi uar lo awk tha lo!

Paruknak- Obama caan lio ah an chungkhar sin ah um a duh ngai mi US ralkap, natein ral ruangah ramdangah a um peng mi hna cu Trump nih US ram chungah ra cang u, Remnak le dainak tu kan serh lai tiah ralkap hna cu a auh than hna, Zeitluk in dah an caah thawngtha a si lai i, chungkhar he um kha a nuam lai. (Mah ruangah zong si lai, ralkap vialte nih Trump hi an duh i an dirpi mi a si). Pathian zumtu nih cun Trump hi uar lo awk tha lo.

Pasarihnak- Paris Agreement 16 April 2016 ah an signed mi pollution tlawmternak ding caah an ti mi, Natein America economy nih a tuar tuk lai tiah a duh lo caah a kaltak mi (Mah hi thatein dothlatnak tuah a cun, ramdang mi nih an ram chungah an duh duh in factory an dir i, natein US ah cun dir an sian lo). Trump nih mah bantuk cu si kho lo a ti ruangah Paris Agreeement kha a kal tak. Uar lo awk tha lo, US a dawt ning hi zoh hmanh uh! Uar loawk bak a tha lo.

Pariatnak- Ramdang ah khrifa pawl nih harnak an tuar ti a thei a cun heh tiah a zuam hnaw hna i, a herh a cun dantatanak tiang a pek lengamng mi. Khrifa pawl a dirpi tuk ruangah Turkey nih an tlaih mi Missionary/Pastor Andrew Brunson ruangah Turkey top leader pawl heh tiah sanction a tuah hna. Turkey nih a celh lo caah a hnuah pastor cu a chuah than mi kha. Mi lungfim caah Trump hi uar lo awk thalo!

Pakuanak- Cun Iran Nuclear Deal kha Pathian nih a fa le si sing in a thim mi Isreal ram caah tih nung tiin a chuah tak bak kha. Obama lio ah US mipi nih an rian tuannak Tax an pek mi hmang in heh tiah tangka tampi in Iran Nuclear a rak bawmh tawn mi kha a chuah tak bak ko kha. Trump hi uar lo awk tha lo ee mi lungfim caah cun Trump hi dirpi peng ding a si ee.

Tial ding tampi a um. Na lung a fim lo a cun, Democrat policy/Setan policy hmang in ka vun tial than lai. Cun Black Live Matter lio ah thil a cang mi le January 6 ah thil a cang mi hmang hi ka vun tial than te lai. Credit-Madison Lc