Saya Rung Kaw: Chin Cozah Bawmhtu Riantuan Tu Ka Si Ve Ko Na Tein

Chin Cozah Bawmhtu Rian uan Tu ha Ka Si Ve Ko Na Tein.

Orthodox of Matupi, khua te (16) ah kan bawmh mi hna(Covid19 bawmhnak): Voi khat nak: Facang tun 819, Medical Tool kits timi Mask – Hnarhuh, Hand gel Kutawlnak chahpiat hang, Glove Kut hrawlh, Soap – Chahpiat, Thermometer Covid19 zawt nak neih le neihlo tahnak. Voi hnih nak: Facang: Tun 917, Chiti Thawl khat cio (Tithiang dur), Peni cuai 3 cio. Pung ah a cuang mi khi lam kam kan phawt mi hna an si. A voi hnih nak asi.

Ka rianuan mi a theih rih lo mi Dawtu vial te le Chin Mipi sin ah: Covid19 Bawmhnak Kan tuah khawh mi Tlawmpal te. Thawng ring lo ngai in le Dawtnak Zawnruah nak he uan mi asi caah; Cozah zong nih an theih rua lo ka ti. Theih hna sehlaw, Lawmh nak bia an ka chimh ko hnga lo maw tiah kaa ruah chan ngai ngai. Nain, Ka Chuah ka in Kei cu Mi van chia ka rak si i, Thanghat si loin Sualphawt le mual pho nak zong aco kho ka si ve. Chin Cozah le an fans pawl umtu le thuatham zoh ah, hnabei a sei lo tuk lawmmam.

Cozah nih an bang khawh lo nak, Thir Rang lam zong a um lo nak, Leilawng cu a phan khawh lo hrim hrim, cu btk khua hna cu kan bawmh mi hna asi. Chin Cozah nih Khua Tu Ral ah an ruah hna rua. Lam le Sul a hatlo khawh ning le lam a um bak lo mi khua zong a um rih.

Mee an pe mi NLD Palai pa zong nihin tiang a mui an hmuh bal lo, a theih zong an theih fawn lo. Pi Suh cu an theih ko nain, tarnu pakhat nih Su Kyi cu pa asi a ti leh lam le ngaichiat khi kan si. Kan um tu ning ka chimh ahcun thlachiat ruah le zangfah loin an kan nek mi hna um khawh asi caah hi vial in nan theih thiam lai dah ka ti. Kei mah pumpak in Lamlei Vuanci pa ka chimh nain zei hlei hlah nihin tiang. An MP pawl aw-an ning in asi ve lai a ka ti. An MP pawl nih hin an chimhrel lo hna asi hnga maw ka ti phah cang.

New Zealand Ram bawmh nak (MFAT Ministry of Foreign Affair and Trade NZ) kan uan bik mi asi. Dollar million tampi an kan bawmh tu an si. Australia ram, Belgium le Cheque Republic ram zong an kan bawmh ve.

NZ ramdang ai- awh tu Palai nu, NZ kan zung lutlai le mifim hna he tiah; Saikel phan khawh nak khua hna cu thla 3 voi khat in kan tlawn ton hna. Mirang holh a thiam cu ka si lo. Hakha holh le Hnaring holh cu hman awk a ha ti lo cu ta. Mah le Khap tawk tein ka hei holh Salam ve ko. Kei nih Mirang holh kha; kue hue in ka leh. An khua mi nih an kokek chin holh in an leh han. Caan a ei tuk.

MP le Chin cozah an phan bal hna lo caah: Kan kal tan hmasat cu Sayaci Rung Kaw kha Chin Vuancichok asi maw hna an ka ti. Ka ning zah ka celh lo ning hi. Ka kir deng mang. Cozah upa ah an kan ruah. Mirang cu Cozah lei lawng nih chawnbiak le hruai khawh ah an ruah.

Tulio Chin Cozah cung ah an lung dong tuk. Mee pek kan duh ti hna lo. Ralkap party nih leh vote kan duh fawn lo. Ruah nak hung kan cheu an ka ti. Kawl NLD nak in a ha deuh mi; Chin NLD timi a um. Nan I ruah chan mi le nan duh mi kha; tulio cozah nak in an in pe kho deuh hna lai i; an in tuah piak kho deuh fawn hna lai. Cu bantuk Party cu: chin mi phun le ram caah dirh asi cang. Kawl NLD cu; kawl ta asi caah; nan khua zong an ra bal lo. MP le vuanci mui hna a deh ballo I keimah hna CM ah nan ka ruah phah tiah capo biatak in kan ni len hna.

Cu btk Chin NLD party cu mee pek kan duh ko. Zeitindah kan pe hna lai?. Nangmah tu naa pek law law a hau an ka ti. Nang mah na si ahcun me 4600 leng a um caah kan in pe dih lai an ka ti. Kei cu Hakha mi, Chin Usih khua sa ka si caah, ka si khawh lai lo. Thantlang tu ah kaa pe lai ka ti hna. An thlavai kian pah ngai hna.

Nain nan ngeichiat duh hlah uh. Keimah ai-awh in; Chin Party Palai a ra mi hna kha; me rak pe uh. Nan Sayaci kei mah nan ka pe tiah kaa lawmh tuk lai ka ti hna. Khuakhat ah Rianuan tu pakhat cio kan chiah hna. An mah sin zong ah Chin Party mee pek ding in bia ka chiah tak hna. Zeitintiah kei cu tu thla dih in; Kareng sang pi le Dollar kal tak in, Chinram, Chin Miphun, Chin Caholh, Chin Nunphung le Chin Biaknak DAMNAK ding caah; Ramkhel ah luphum in a kal ding ka si cang kha ka chimh hna.

Kantuan lio cuah mah mi Project hna:

1.  SURE Sustainable Rural Economic Development timi Khuate lei Cinthlak nak, Pum pawcawm nak le Sipuazi dongcat loin hancho zungzal nak simankin.

2. PRICE Poverty Reduction Initiative Through Community Empowerment Khuatei lei an nun khuasak tintuk nak cuaisan nak le Sifah zawrh ter nak Simankin.

3. CRP Chin Relief Program. (Cantawi le Lakhruak bawmh nak)

4. ELS Education and Livelihood Support.

Sual thu pha cuai nak:

1) Ngunsawm zat cu a tam tuk lawmmam. Kan zung upadi nih a khap caah: zeizat tiah hal a ngah lo. Theih ter zong a ngah fawn lo.

2) Thlanglei Laitlang Pine Zung caah Gangaw zung hi asi. Kei cu Pine zung I an luber cu ka si. Kaa lawm.

By/ Saya Rung Kaw

CNLD

 

 303 total views,  1 views today

This function has been disabled for Chin 11 News.