Saya David Lah Telh in Minung (5) “Negative” an Si Cang

COVID-19 zawtnak aa thlopmi Saya David Lah le a hawile minung (4) cu nihin zinglei ah Negative an si cang, tiah David Lah he Pathian rianttuan tti a simi Winning Myanmar Soul Mission i Director Saya Hpu Yesah Isaac nih a chim.

Saya Isaac nih thawngthanhnak ah a chimmi Voice Record cu kan sin zong ah a kan kuat ve i cu Voice Record ah cun “A si. Saya Devid Lah telh in minung (5) Negative an si cang. Minung (7) an si i, pahnih belte hi Positive peng an si rih,” tiah a chim.

Saya David Lah hi atutan hi a voi hnihnak an check a si i, a hawile minung (4) he a voi khatnak bik Negative an si hi a si. Voi khat check nolh ding in an sample pawl an kuat lio a si.

Negavtive minung (5) chung ah pakhat cu David Lah a si ti a fiang nain a dang pali hi ahote an si timi a fiang lo. Myo Gyi te an i tel le tel lo zong a fiang rih lo. Credit: The Chin Journal

 135 total views,  1 views today

This function has been disabled for Chin 11 News.