Saya David Lah Cu Nihin Tiang Pathian Nih A Ven Peng Rih Ko, Result A Tha Chin Lengmang

Tuni Saya David Lah biaceih zung an chuah pi than I, khatlei tazacuai tu lei tehte pakhat cu biaceihzung nih an hnawl piak than tiah theih a si.

Saya David Lah le a hawi le hi tuni hin cun, a vawi 4 nak biaceih zung an chuahnak a si cang. June 18, tuni hi khatlei tehte minung 4 biahnal dingin timh tuahmi a si nain pakhat cu hnawl than a si caah minung 3 lawng an hal than hna.

“tuni ah cun  sualphaw tu tehte pahnih hna cu bia hal nak kan neih cang hna, I, pakhat tu hi cu kan hal rih lo” tiah Tazatukyi U Moe Shwe nih media sinah achim. Mi pakhat an hnawl nak a ruang cu phunghe a thlak ningin kan zoh hnuah kan hnawl mi a si tiin nawlngeitu lei nih an chim.

Saya David Lah le a hawi le taza cuainak ah tehte minung 14 an si I, vawi 4 biaceih zugnah cuahpi an si cang I, minung 10 hi bia hal nak neih a si cang, Pakhat hi hnawl a si caah minung 3 lawng an tang cang.

David Lah le a hawi le hna cu a vawi 5 nak biaceih zung chuah than ding cu a ra laimi June 23 ah khin a si te lai. An Case hi ni 90 chungah kan lim lai tiah Tazatukyi lei nih a chm.

 250 total views,  1 views today

This function has been disabled for Chin 11 News.