Sang Khuabawi le Khuate Khuabawi Riantuan Caan A Dih Cang!

Thantlang Peng ah Sang khuabawi le Khuate Khuabawi hna an riantuan caan a dih cang. A thar in a tuan cang mi nih pehzulh an duh ah cun pehzulh nak nawl a um. Peh zulh in tuan rih an duh lo a si ahcun anmah ai ah midang khua bawi tuan ding an kawl lai. Ralkap uknak chung ah cun khuabawi zong pehzulh in tuan i tim hlah usih.

Khuabawi tuan ding in fial na ton zong ah mizapi lei tang in nan kan el piak naklai kan in nawl hna. Khua bawi hi ralkap riantuan cawlcanghnak ah an hman ngai te ding mi a si. Lai mi chung in ahohmanh nih ralkap riankhinh mi cohlang hna hlah usih.

Cun Thantlang GAD zung in riantuan tu cheukhat CDM an tuah caah an rian in ngol ter thai an si. An mah ai ah rian an auh te lai. Hi tik ah lai mi chung in a hohmanh nih sok hna hlah usih. Zung dang dang in CDM a tuah mi hna rian in chuah thai i an mah ai ah midang rain auh khawh a si. Khi tik ah ahohmanh nih sok hna hlah usih. Mizapi a that cuahmah mi ralhrang ralkap uknak a hram in thlongh ding ah mizapi kan lung i rual hram seh! Credit: Olivia Nu Cinzah

Olivia Nu Catilami kongah: Zasang Cinzah nih share a van tuahmi zong hi relchih tlak taktak a si: Australia lei in kan far Olivia Nu nih a von chimmi hi Bia ngaingai a si. Khuate, khuapi, a sang tbk vialte khuabawi kha idin viar ulaw, khuatlang tawlrelnak/ Mino cawlcsnghnak khan kal chung cio rih law a tha ngai. Ralkap nih Khua Bawi auh awk le Rian fial awk um lo ding kha a biapi.