Salai Z T Lian Nih AA Ralbawi Tun Myat Naing Interview Ding In Zeitluk Tiang Dah Timtuah Nak A Ngeih Cang Ti A Rak Langhter

Major General Tun Myat Naing biaruahnak tuah ding ka si caah atu hi research biatak tein ka tuah lio asi. Biahalnak pawl zong ka ruahnak lengin mipi nih an ka kuat.

Abiapi taktak tiin ka chiahmi cu Paletwa peng Chin miphun pawl i an intuarnak le an hmuhning hi asi. Cucaah Paletwa kongah thuk deuh in thil ka theih khawh nakhnga ramchung um Paletwa khuami hna sinah pehtlaihnak aluancia nili khan ka tuah thawk. Hi pehtlaihnak ka tuah tik hna ah mah le mah cu itheihternak cu tuah a hau . Vanthatnak ah aluancia kum 13-14 hrawng i Yangon sianghleirun kan rak kai lio caan i miphun caah kan rak cawlcanghti mi hawile pawl thawngin lam a tluang ngai.

Sianghleirun kai lio caan i sianghgakchia cawlcanghnak ah biatak tein rak itel hlah ning law Paletwa khuami hna nih atu bantukin an lungthin tak bia an ka ruah duh hnga dek maw timi keimah le keimah bia halnak ka ngei.

Sianghleirun kai lio caan ah cawlcanghnak rak itel kha caansau caah a sunghnak a um lo zia a thar in a ka theihter than.

By Salai Z T Lian

 184 total views,  1 views today

This function has been disabled for Chin 11 News.