Salai Tial Hram Ling Cu Dr. Sasa Le Dr. Peter Kongah Fiang Taktak In Bialehnak An Van Tuah Cang!

Tialhramling kei mah nih kan leh lai. Dr Sasa le Pu Ngunzacung kong hi an mah sa him nak he peh tlai in na bawm kho hna maw? Ram le miphun kongah an ti khawh tawk in a cawl cang mi an si. An zam a si zongah a phung a si ko. Rangoon i Chin mi a um mi khi a tam u cu CNF/A le Kawl ralkap tih ruangah a zam mi an si.

Ram dangi a phan mi hi a tam u cu a zam mi kan si hna. Kan zam cio bu in ram le mi phun caah a cawl cang cio mi kan si . Nangmah hna i Dr Sasa le Pu Ngunzacunghi khoi ka ah hme an um zei rel ngai te in na hei ti ve hna cu :- ka dua na poi tuk . Duhpeng te hna nih an hei zawmh tlaih ve. A zam ve mi a si ko .

Cun a tu i Chin ram a um mi hi nan ral that ruangah a um mi nan si hlei lo. A ho kan si zongah kan si khawh tawk cio in ram le mi phun caah tuan ti tu ding kan si hna . A zam mi ram dang a um mi nih a phun 2 tha zaang an chuah cuh nang zong nih na chuah lai cuh . An mah tluk in zei hmanh na tuah khawh ding a um lo cuh. A tu te le bangah cun zaam nak ding hi a har ngai! Credit: Lalawi Thana (A tanglei Ah Salai Tial Hram Ling Nih A tialmi ka van tar chih)

Where Are You Dr. Sasa & Dr. Peter? Hi ca ka ṭial tikah ka hua lai ucih. Anmah pahnih ka hua hna lo. A dang zong kan hua hna lo. Nan ka huat sual zong ah kan hua hna lailo. Kan upat mi Dr. Sasa le Dr. Peter Ngun Za Cung an tlau. Dr. Sasa hi January 20 tiang Facebook a cathlah kan hmuh. Dr. Peter hi December 27 tiang a cathlah kan hmuh.

Thimnak lio ah nang maw kei tiin zuamcawh a rak si. Kan mah le kanmah heh tiah kan i do, kan i al. February 1 in nihin ni 9 tiang an mui kan hmu hna lo. Ca zong an tar lo. An tlau. Kan herh ngaingai ko hna. November 8 ah rong phuntling kan si mi kha nihin ah cun rong phun khat kan si cang ee tiah rak kan chimhpiak te hna u. Kan mipi zong ralkap cozah dohnak ah CDC le lamzawh hun hruai hna sehlaw pei kan lungrualnak a kauh chinchin lai cu! An hruai ngam lo hmanh ah a forh tal van kan forh ve hna seh.

Ahohmanh kan him lo. Himnak hmun kawl ahcun khoika hmun hmanh a him lo. Himnak ram le vawlei kan ser hrimhrim a herh. Nan miphun, nan ram nan dawt taktak ko ahcun; hung chuak uh! MP pawl.zong chuak u, Candidates hlun pawl zong chuak ve uh! Khoi ah dah nan um. Kan ram ca ah, kan ram ca ah, kan miphun ca ah ee kan ti mi kha a tu caan hi a si ve.

Zaanlei nineem ah Pathian nih Eden dum a len lio bang, Thlennak pakhat nih a kan len lio te a si. Adam bang kan i thuh sual ahcun techin fapar tiang an lo lai. Khah! I thawh uh. Lungrual caan cu a tu hi a si. Khoika Ah Nan Um? By. Salai Ṭial Hram Ling