Salai Ngun San Aung Cu Tutan Mai Sui Hlei Tial Thihnak Kongah Raltha TakTak In A Dir I Peng Uk Zung Tiangin Ka Ton Hna Lai A Ti

Hakhan Thantlang kan mifim vialte le keimah a timi pawl hna khoika ah dah nan tlau dih kun. ziah mah bantuk thil kan ton lio caan ah, kan pafim le kan paza vialte cu nan dai dup ne. Party kongah cun thih nan ngamh nain Thantlang khua ah ngaihchiat nak fakpi a tlung lio ah ziah nan dai dih kun ne, Biaknak lei Kanpa le pawl zong ziah miphun covo hi biaknak he a pehtlai lo nan ti maw.

Salai Ngun San Aung bantuk mino mi raltha hi kan chimram ah kan hreh ko hna. A caan lio a si ti a hngalh bak in Thantlang ah a kal colh i thil sining biatak tein a dothlat colh. peng uk lutlai tiangin ka chawnh lai a ti i, Phone chawnh a ngah lo, na duh a si ah cun a ton in ka ton a ti caah ka ton lai a ti i, thaizing hi a mah ton bak ah Thantlang khua ah a kal than lai.

Tutan Kan farnu te a thihnak kong he pehtlai in, Salai Ngun San Aung cu biatak tuk in a cawl i, Kawlphung i an duh poh an i vui ning le an i hlonh ning i, Laimi phun kawlpawl i an kan hmuh ning hi biatak tein kan doh lai tiah a chim mi cu uar hrim a um kho taktak. Chinmi nih kan covo le kan nun phung cu kan mah nh kan i ven le kan mah nih kan kil lo a si ah cun kawl pawl nih cun hrawh zungzal an i timh hi chin mi nih biatak tein kan doh a hau.