Salai Lunthli Tum Nih A Khualtlawn Nak In Hakha A Rak Phak Than Nak Kong A Chim

Salai Lunthli Tum Nih A Khualtlawn Nak In Hakha A Rak Phak Than Nak Kong A Chim

Tuchun 12pm ah Yangon in ka rak i thawh i 1:30pm ah Kalay ka phan. Kalay ah tlawmpal kaa din hnu 5pm ah Hakha lei ka rak i thawh than i Hakha 10pm ah ka phan.

Gangaw-Hakha lampi a that ning cu khuaruahhar a si, fur lio si ko nain motor mawngh a nuamh khawh ning. Zokhua-Hakha zong Saiha-Aizawl lampi a lo ko cang, 60km/h in thuat khawh dih a si, voidang cu 30km/h lawng mawngh khawh a si tawn.

Hika zawn ah cun NLD cozah ka thangthat ngai hna, thangthat tlak zong an si ka ti.

+++++++

Thawngpang dang hi relchap ko:

Chin Miphun Caah Arfi, Chin Mino Sin Cakuat

=========

Tulio Chin State ah a lar ngaimi cu Chin mino hna nan cawlcangh ning hi a si.Zoh a dawh i a tha ngai mi a lo. “Mino thaizing hruaitu” ti na si bantuk in thazing caah hruaitu tha a si ding zong nan si caah na lungthin i biatak in ruat law a tu na tuah cuahmah thil hi zeidah a si, zeidah ka tuah, ti hi he ruat law kan duhpi ngai hna. Tuah dingtu tuah u silaw tuah lo dingtu cu hrial hna u silaw cutin cun ram dawtu le miphun dawtu na si zia cu an langh lai.

Chin State ah, Chin miphun caah tiin federal State ah a sersiam khotu ding hi NLD, CNLD USDP, le CNP hna hi an si hrim loh! A cozah zong nih federal State sertu si ding zong in a co hlang hna lo. Cucu na fim i na hngalh pah ve ko a si ah cun na tuah cuahmah mi hi ruat law nangmah tein na ning a zak lai. Uico nih aw thawng a thei poah ah a bao bantuk in i bao sawh ding a si lo(uico he kan tahchun hna lo, nan si zong kan ti hna lo, nan lawh zong kan ti hna loh). Party kip nih Chin State le Chin miphun caah cucu kan tuah lai federal State ah kan ser lai, tibantuk bia hna maw i zumh sual in cawlcangh sual lai cih!

Chin mino hna,

Chin State caah, Chin miphun caah,le Chin ram caah tiin nun i pe in rian tuan na duh tak a si ah cun fim cawnnak ah hmaisa law cu nih cun lam an hruai lai.

Tha tein ruat hmanh! Chin State caah le Chin miphun kan caah mah tein i uk khawhnak lam, Chin State cu Federal State in a ser khotu ding cu CNF/CNA lawng lawng hi an si, ti hi philh hrim hlah! A cunglei ah ka langhter cangmi hna party pawl khi zohte CNF/CNA nih cozah a chawnh tikah donhkhantu chia bik hra an si, tihi philh hlah uh!

Chin arfi mino hna,

Chin miphun na dawt tak tak a si ah cun Chin State le Chin miphun caah kan lu bik a simi le kan hruaitu that bik zong a si mi CNF/CNA ah na lut lo, pasal tha le nusal nan si lo maw, zeitluk in dah Chin miphun nih ralkap kan herh! Ral umnak hmun ah cun ral kah khotu ralkap tha um a herh. Nunnak in tuahsernak a tel lomi tuahnak cu (just for a season ). Nizaan khua chungah hmunthur (hnawm)nan char, shirt dawh te he hman nan i thlak i na he tar. Zohhmanh!

Kan chim lai; hmunthur (hnawm)cu a tu na char lai i ruah a sur than tikah a um than peng lai i na char cawk lai lo. Model nan piahtu khi a si.

Chin State nih Chin mino an herhnak bik hmun hi CNLD Party mino ca a si lo dakaw.

Chin State nih an herh biknak hmun cu CNF/CNA caah chun mang a lim tertu Chin arfi mino si hi a si. Tuah tuan ding ah kan rianh ding:

  1. Fimnak cawnnak in Dr
  2. Kal, nunnak pek in CNF/CNA ca
  3. Thisen in Chin miphun caah (ralkap)
  4. CNF/CNA caah fundraising tuah

Tuhnu in cun CNLD pary mino ah i ser in maw khua chungah hmunthur(hnawm) char in vak lai u cih!

Chin miphun caah arfi,Chin mino nan si. Party arfi nan si lo, Chin miphun arfi nan si.

Catialtu: Rual Lian Thang

 

 

 138 total views,  1 views today

This function has been disabled for Chin 11 News.