Salai Lungthli Tum Cu Ralrin Peknak Ca An Kuat Cang

Salai Lungthli tum hi tulio ah cun CNLD le NLD kong ah fak ngai in bia a chim lengmang mi, a hman mi le  ahmuh ning fiang tein a chim ve lengmang mi a si. CNLD kong hi tampi a tial mi zong kan hmuh lengmang cio. Cu ruang ah Salai Lungthli Tum cu Salai Van Bawi Lian nih a tanglei bantuk in ralrin nak ca a kuat.

CNLD candidate Salai Van Bawi Lian nih ‘ka nau, na catial hi i ralring, taza cuai khawh na si hi’ tiah inbox in a nemnak in ralrin a vun ka pek.

‘Ok, free speech ka dirpi ai timi nih taza cu ka cuai ko u. Kan zoh sawhsawh ve hna lai lo, ramdang um nuva nih CNLD phaisa ting 10 bawmhnak an pek i CNLD seal he Facebook page tiang nan tar kha tet-te ah ka ngei ko hi, Election Commission(UEC) ah report kan tuah hna ahcun nan party a thi colh lai khi, nan party a thih ahcun nang zong MP nai cuh kho lai lo kha, khi tiang tuah cu ka duh ve lem lo nain’ tiah ka leh ve” tiin Salai Lungthli Tum nih cun a rak tial hi a si.

Hi kong he pehtlai in Salai Lungthli Tum nih CNLD pawl cu Election Commission(UEC) ah report kan tuah hna ah cun nan party zong a thi cawlh lai tiah a hrocer ve. Hi bantuk in party pakhat a si ve hrocer hi cu a luan deuh ngai tiah soisel tu zong an tam ngai ve.

 157 total views,  1 views today

This function has been disabled for Chin 11 News.