Salai Lungthlitum Nih David Ngaisak Kong A Chimmi cu Hakha Thantlang Caah Cun Uar Um bak!

CNLD chariman pathum lakah pakhat a si vemi Pu David Ngaisak interview ka zoh dih, voi hnih ka zoh nolhnak zawn zong a um. Kan miphun caah ai pumpek ning, ralkap cozah dohnak ah a cawlcangh ning le kan ram caah a saduhthah zoh tikah uar lo awk a tha lo.

A hleice in ka uar khunnak cu Hakha le Thantlang he i chawnh tikah Laiholh tha tak tak in a holh kho, a tial kho fawn. Falam lakah anmah tluk in Falam holh a holh kho rih. Matupi, Mizo le Chin holh tampi a thiam chih. Mah bantuk pengtlang tanhnak lungthin a ngei lomi minung hi Lairam hruaitu caah kan herh bikmi a si.

Hruaitu tha nih cun mah pengtlang holh lawng kha midang nih hmang dih hna seh timi lungput an ngei lo. Holh phun kip thiam dih tu an i zuam.

Pu Ngaisak a chimmi ka uar dih ko, nain Chinram cozah ser ding ah CNLD party nih Kawl ralkap le USDP he rian kan tuanti awk a si ko, mawhchiat awk kan si lai lo a timi zawn khi cu ka tih ngai ko(interview 01:06:00 zawn ah zoh khawh a si lai).

 92 total views,  1 views today

This function has been disabled for Chin 11 News.