Salai Lungthlitum Cu A Bia A Sang Bak Hi! A Tlinh Kho Na Zum Maw?

Chinram hruaitu si ninglaw: Salai Lungthlitum!
———————————-
-1)nak ah khuapi 9 ah special sianginn(England i grammar school bantuk) pakhat cio ka ser hmasa lai. English an hmang lai. A qualified bakmi cachimhtu ka sawm hna lai, hmundang an ngahmi nak tam deuh hlawh ka pek hna lai. Special taktak in ca ka chimhter hna lai. Mirang native speaker zong English chimhtu caah ka lak hna lai.

Tang nga cung cohlan a si hnga. Luh a duhmi poah nih entrance test an phi hmasa lai. A thiam bik pawl thim an si lai i an thiam chinchin nak hnga cachimh an si lai.

Hiti kan tuah khawh ahcun kum 10 ah cun Chinram cu Myanmar ram chung ah cathiam tambik an chuahnak state ah ser khawh a si lai.

Cozah nih cozah phaisa hi a phi chuak ding fimcawnnak ah tam deuh a hman awk a si.

-2)nak ah Yangon le Mandalay um private siizung i siibawi minthang specialist pawl ka sawm hna lai i Chinram siizung ah ka tuanter hna lai. Private siizung nih an pekmi hlawh nakin tam deuh ka pek hna lai. Hlawh tam deuh pek ahcun Chinram an rat duh lonak ding aruang a um lo.

Chinram ah siibawi specialist kan ngeilo ruang ah mipi tam tuk harnak kan tong, Yangon ah sisehlaw a nung hnga dingmi mizaw tampi cu specialist kan ngei lo ruang ah an thi lengmang. Dam lonak a zual deuh poah ah Yangon kal a hau timi um ti hlah seh. Lam tampi cawh nakin siizung thilri tam deuh cawk kai tim fawn hnga.

Mah pahnih hna hi Chin mipi caah zeidang nakin a biapi deuh tiah ka ruah. Atu lio kan dirhmun le cozah budget zong in tuah khawhmi a si fawn.

 103 total views,  1 views today

This function has been disabled for Chin 11 News.