Salai Lungthli Tum: NLD Candidate Pu C. Zacung Nih Politics Ah Cun Lih Pah A Hau A Ti

NLD hruaitu pawl hi an ruahnak hrim pei a rak diklo tuk ko hi. Hi bantuk in mipi an kan hraui caah cun pei zumh an um lo an ti lengmang nak cu a si fom cu. NLD candidate a si bak mi pakhat nih a chim mi hna hi ruah ah cun ningzak ngai a si. A chim hlan ah tha tein khua a ruat hnga lo maw ti awk in a um ko.

Zahan kha NLD candidate Pu C. Zacung cu ka hawile pathum he Thantlang an zung ah bia kan ruah i ‘politics ah cun lih pah a hau, tlang sangpi zong khi rawn ah ka ser lai tiah chim a hau’ tiah a chim. Ka hawile cu NLD tanpitu an si ve ko nain an khuaruahhar ko” tiin Salai Lungthli Tum nih cun a rak tial hi a si.

A chim ning tein an zohtik ah NLD party pawl an riantuan ning hi mipi hi an kan hleng hrimhrim ko lo maw? 2015 thimnak a rak si lai ah khan Khuate kip ah biakam nak an rak tuah cio lai, an biakam mi cu thimnak ah an hun tlin bak in a tlau dih ko lo maw? Asinain nihin tiang ah hlen nak a zum peng rih mi an tam ngai rih I an thatnak lawng te a chim mi an tam tuk rih.

Zeitiang dah lih an kan chimh lai, zeitin dah an kan hlen than te lai ti hi maw kan hngah peng rih ko ne lai, lung fim caan a cu ngai ko cang nain lungfim kho lo an tam tuk rih caah NLD pawl cu an raltha chin lengmang rih ko ne lai hih.

 149 total views,  1 views today

This function has been disabled for Chin 11 News.