Salai Lungthli Tum Nih Thantlang Sining A Hun Chim Dih Cang, Khuaruah Har A Si Ko Hi Teh

By Salai Lungthli Tum

Thantlang khuachung Lungtial sang le Saihpiozi sang i concrete lam cu a pawngkam ummi hna nih ‘mee-pay-zu’ lam tiah an auh cang, mee-pay-zu changreu he an i lawh ngai caah a si an ti.

Sang Awr lampi concrete lam hi an limnak kum khat hmanh a tling rih lo, nain a rawk than dih cang. Motor nganpi a kal tuknak zong a si lo, motor khulrang tuk in a kalnak hmun zong a si bak lo nain. Tender a tlaitu company zong hi Laimi an si ko. An tuahmi lampi an hmuh than caan ah an lung a nuam ve ko hnga maw?

TABC zung hmai in Aung San lampi chuah tiang concrete lam zong hi an limnak kum thum hrawng lawng a si rih, nain a rawk dih ve cang. Zoh tikah lung a nuam lo ngai. Lampi an tuah lio ah mirang vawlei cement tlawm ngai an hman timi hmuh khawh a si.

Kan miphun le kan ram nih zawnruahnak a ngeimi tender bawhtu company kan herh, mah pumpak miaknak le hlawknak lawng a zoh i mipi caah zawnruahnak lungthin a ngei lomi company cu biatak tein kan doh hna a hau. Cozah zong nih blacklist ah a chiah colh hna awk a si.

 

 231 total views,  2 views today

This function has been disabled for Chin 11 News.