Salai Lungthli Tum Nih Lautu Ram A Tlawnnak NLD Kong A Chim Mi Cu A Mak Ko

Salai Lunthli Tum hi a biachim cu uar um bak ve ko. Thil a hman ning tein a chim zungzal mi a si pinah thil thalo le biahman lo a si ti a theih cang mi cu fiang hlang te bakin a chim zungzal mi paraltha pakhat zong a si. Tuzan ah Lautu ram a tlawnnak ah NLD pawl sining a hmuh fiang ko in a rak langhter than.

Keimah meehmun Lautu ram khua dihlak ah ka tlawng cang. Nan ka dawt caah kai lawm. Suu Kyi le VP Van Thio cu kan dihlak in kan uar tuk ko hna. Nain, NLD min zuar in mah paw caah tender bawh in eihmuar a hmangmi le mah khua ca lawng ah riantuan a hmangmi MP pawl belte cu kan fih cang hna, doh an hau cang timi fiang tein nan langhter.

Thaizing thawk in Mara ram tlawn hram kan i thawk lai, ka miphun hawi Mara zong nih Lautu le Zophei bantuk in nan ka dawt ve lai ka zumh. Teinak mee 4,000 hrawng lawng a herh nain mee 8,000 tiang ngah khawh kan i zuam hna lai.

Chinram chung NLD pawl hi cu an thil tuah mi le an riantuan mi zoh tikah lungrawk cu an rak si bak ve ko. Pumpak pawcawm nak le mahkhua ca lawng bakah rian a tuan mi an rak tamtuk hi a poi bik mi zong a si. Eihmuar hmang mi pawl hi cu vote pek bak ti hna ding an si lo. Miphun le ram dawtnak he riantuan a timmi tuhi dirpi ve hna ding kan si ko.

Source: Salai Lungthli Tum