Salai Lungthli Tum Nih Ei-Hmuar A Tamtuk Mi Kong Ah A Chim Mi Hi A Hman Kho Taktak

By Salai Lungthli TumĀ 

Zeitindah cozah zung rian ‘ting 20 man’ ziknawh kan hloh lai?

===============

Cozah zung rian sawk tikah zung upa sin ah ‘ting 20’ in cawk a si ti cu an chim cio, cozah upa zong nih an thei ve ko lai nain tuni tiang an hloh kho lo. Zeitin kan doh kun lai? Kei cu a fawi ngai ko ka ti, cozah nih eihmuar doh an duh taktak le duh taktak lo cung ah aa hngat ko. Cozah zung rian a lawn tik poah ah a sawktu an ngahmi degree aa khat dih tawn caah thim a har.

Nain English, general knowledge le zung rian he aa pehtlaimi knowledge pawl test khawh an si. Test nak ah ca fir a um lonak ding le question an theih cia lonak ding ah a felmi tawlreltu phu cu a um hau, tawlreltu chungtel ah zung upa telh loin a felmi midang an si a hau hnga(CCU cachimhtu zong nih tuanvo an lak khawh ko lai).

Result an thanh tikah aho nih mark zeizat a hmuh timi zong a sawktu dihlak hmuh in thanh awk a si hnga, transparency a um ahcun an lungtling cio ko lai. Hiti lam in a fit bikmi thim khawh a si.

Thiamnak test zong a hau lo, degree an ngei cio ko caah a poi lo an ti belte ahcun sining nih a tlinh i a sawktu poahpoah kha ‘awngbali’ zuhter lawlaw ding a si ko, awngbali zuh ahcun lungtlin lo a um lai lo, ziknawh eihmuar zong a um bak lai lo.

Hiti tuah ding cu keimah MP ka tlin zong ah MP power in tlinter khawhmi a si lo, cozah hruaitu CM le vuanci nih an tuah a hau. Kei nih cun ruahnak pek le a leng in bawmh lawng ka tuah khawhmi a si te lai.

 116 total views,  1 views today

This function has been disabled for Chin 11 News.