Salai Lungthli Tum Hi Hakha Mino Nih Ralrin Pek Cia Mi A Si!

Salai Lungthli Tum nih ruah dawmh in hi page admin asi tiah Salai Tluang Te cu a puh. Ruahdomh in biachim hman ruang ah Hakha um mino hna an himnak caah a hnorsuan. Cucu Hakha Campaign for Justice Page nih kan mawhchiat. Hakha Campaign for Justice page admin ah Hakha um mi ho hmanh kan um lo.

Hakha mipi le mino awaan ngeih in thawngthanh le thawngzamh a tuahtu kan si. Salai Lungthli Tum hi kan mah Hakha Campaign for Justice platform hmang in Hakha Mino nih ralrinpek cia mi asi. Cuti ralrinpek cang ko i hiti a um cu amah hi ဒလန် taktak asi kha zapi sin ah a kan theihter asi. Tulio mipi harton caan ah mipi harnak ape tu poah cu mipi ral nan si. Credit: Hakha Campaign For Justice

Hi tihin Salai Lungthli Tum A Tial Ning Cu Si:- Hakha Campaign For Justice(HCJ) page tlaitu Salai Tluangte (Salai Nun Hlawnceu) nih HCJ page hmang in a zumh deuh lomi le a rem lo deuhmi poah kha ralkap da-lan(spy) nan si tiah a thangchiat tawnmi hna khi tihnung ngaimi a si. Tet-te a um lo tikah da-lan an si taktak le si taktak lo theih khawh a si lo, an si taktak lo sual ahcun minung thah bantuk a si.

Keimah lila zong kha HCJ le Hakha mino min hmang in da-lan a si tiah aka puh i thah ding tiang warning aka pek ve. Salai Tluangte(Falam chuak si i Hakha Post editor a tuan) hi online ah aka doh lengmang mi a si nain Hakha Shanlay dawr ah voikhat zuu ka dangh balmi a si(kei ka ding lo, hotpot ka ei). Chin ram chung har ton caan ah bawmh hal piak lei ah a cawlcang kho ngai tawn.

Anih hi Hakha i Defense Task Force caah phaisa bawmh halnak ah a cawlcang taktakmi a si. Nain, interview an tuahnak video cheukhat zoh tikah Hakha hotel deuh ah a riak, zei phaisa dah a hman timi cu theih khawh a si lo. February 2 ah khan The Hakha Post page ah VP Henry Van Thio cu Min Aung Hlaing cozah ah vice president a tuan rih ko tiah a rak tial bal. Inbox in a dik lo tiah ka chimh hnu ah a delete than.

Hakha Post buainak ah Za Biak Thawng forh in Papui thawlnak hnuphen ah a cawlcang bikmi a si tiah ka theih fawn. Papui an thawl hnu in reporter to editor rian a kai ve. Anih cu buainak ah a hnu in a cawlcang, tutan Hakha sandahpiah zong ah a hnu in a cawlcangmi a si, phaisa bawmh hal lawng ah a hmai a kal tiah amah he naihniam pakhat nih aka chim.

Salai Tluangte a catialmi nih HCJ page hmang in Hakha mino tampi thazaang a pek hna, thiltha ngai a si. Nain, a dik le dik lo fehter loin amah ruahnak menmen in a rem lomi ralkap dalan an si tiah a thangchiat tawnmi khi tihnung ngaimi a si, a catialmi ruang ah nunnak a liam kho. Ai ralrin ve a hau.