Salai Lungthli Tum Cu Hakha Mino Nih Fak Tuk Lawmmam In Ralrin Pek A Tong!

Ralrinpeknak! Hakha mino hna i tthithruainak ah lungawttawm in umter le hnahnawhpek aa tim mi Salai Lungthli Tum, Hakha mino nih ralrin kan in pek! Tuni thok in Hakha mipi nih dohthlatnak kan tuahnak ah mipi an lung i tthen seh an lung i awttawm seh tiah na hmurka le na catar nak in na langhter rih ahcun na rianttuan, na umkalnak le na nun himnak tiang an hnorsuan khawh timi kha rak i thei. Ralrin kan pek! Credit: Hakha Campaign For Justice

Tulio Thil sining langhtermi thawpang dang: Nihin cu Rangoon khua chung ka cul. Zing 8 hlan deuhin in kaa thawh i KBZ bank Head Office hmai cu phaisa chuah ding ah a tlarmi minung farlong pakhat hrawng an si. Hledan hi Tapaih sakan 1, 2, 3 in a um i chun lai 12 ah lam fate ah meithaal voi 3 an puah i an i ṭhenṭhek dih.

Township tampi ka cul. Kamayut, Sanchaung (Minigone), Bahan, Ahlon, Mingalar Taung Nyunt, Botataung, Tamwe, Dagon, Yankin, Taketah, Dawbon, Than Lynn (Syriam), Kyauktan tibantuk township ka phan i zaanlei 4:30 pm tiang ka cul nain kan hnu thla bantuk le kan hnu zarhkhat-hnih bantuk a si ti lo. A dai ngai te. Ralkap nih Martial Law a chuah hnu le lamzawh pawl a kah le a ṭhen hna hnu cun lamzawh in duhlonak langhternak mipi thazaang a zor ngaite.

Lam a phunphun in an khamnak tete cu a tam ngai nain cawlcanghnak a tlawm pin ah mi an i buut ahcun Ralkap nih kah in an ṭhenṭhek colh hna caah chikkhatte ah an i ṭhenṭhek pah dih. Rangoon khuachung a cawlcanghmi mawṭaw pawl an um pah i chunnitlak ka mawnghnak ah an ka kah sual lai ti hmanh hi phan awk a um lo tluk in voidang tawn lawh lo in umkal an tam i palek le ralkap zong hi an i thup pah dih.

CDM thil sining le umtuning theih ah khuaza ka vah pah in cozah zung pawl ka hei chawnh hna, DICA zung ka chawnh i kampani le investment pehtlai in herhbaunak ah ka ti i zung an rak kai, zeibantuk paoh a ngah dih an ti, appointment kan in pek colh lai rak ra ti a si ko.

Cun Ministry of Commerce (Si-ku) zung ka chawnh import le export license sawk ding ka ti. Hlan ah tun(import)belmi thil pawl a bik in eiding le a dang dang cu license a hau ti lo an ti. A haumi tlawpal zong Online in sawk khawh colh a si na duh ah kan in bawmh lai rak ra an ti. Customs le SAD ka chawnh hna ramdang in container phan ding a um ka ti i 3 pm tiang kan on ko an ka ti.

IRD- LTO zung phone ka chawnh tax assessment tuah ka duh ka ti i Pansodan zung hnulei in rak luh an ti. Labour zung ka chawnh hna kan zung Staff pawl caah temporary zung kar kan duh i hlawh pek lo in thla 3 khar kan duh caah ruahnak hal ka duh tiah ka hei ti sawhsawh i rak ra law ruahnak kan in pek lai khoika myone zung ah rat na duh an ti.

Chim duhmi cu a tawinak in CDM zong a thawng tuk ti lo (Rgn dir hmun). Lungdonhnak ah tialmi si lo in thil sining le tonmi a si. Kan direction hi le Kan dohmi ral hi, Ralkap uknak thlak ding/ a dih dong tiang doh ding le federal ram ser ding;

Tulio ah kan dirhmun le kan hmuitinh hi zapi i khah dih a hau cang. Election kong, NLD kong, Vote fraud kong, democracy duhnak, hodah vote kan pek tibantuk pawl lamzawhtu cheuh khat an au len rih i kan direction hi zapi i khah a hau caan a cu. Direction- i khah hi teinak lam a si. Cun teinak lam i phun kip kan kawl a hau cang. Lam dang maw asiloah Federal ralkap hi biatak te in nam a hau cang ko rua tiah ruah bu in..!