Salai Lungthli Tum Cu Byebye Si Ko Ne Lai, Zeiti Awk Tha Ne Lo, Hmailei Tu Ah Tthawngdeuh In Mu

Thimnak timi hi cu mipi duhthim nak a si caah zeibantuk minung an sungh le an tthawn zong ah pumpak santlaih lo le thiamlo nak a si hrimhrim lo. A sung mi hna zong nih sungh zia thiam in sungh ko zong ah mipi caah santlai a si ding mi rian tha tampi tuan awk a um ko lai.

Salai Lungthli Tum nih a rak tial mi cu “Aungla a sung, Trump a sung, kei zong ka sung ve. Tuzaan thawk cun mitkut vuai loin mee ka kawl tawnmi a dih cang, Thantlang ah nungak tu kawl cang ko ning . Hmailei tu ah thawng deuh le ready deuh in ka lut than te lai, kan miphun nih aka herh tikah” tiin a rak tial hi a si. Credit: Salai Lungthli Tum

Matupi thimnak result kong hi rak rel chih ko: Tutiang result an langhter ning ahcun Matupi peng ah CNLD biatak tein an tthawng. CNLD nihin Matupi peng ah teinak kan hmu tuk lai lo, Thantlang le Hakha peng tu ahcun kan tei ngai te lai tiah an ruah mi a si nain Matupi peng tu ah CNLD an thawng taktak i Hakha le Thantlang peng ah CNLD an der deuh mi hmuh khawh a si. Cu lawng si loin Famlam peng zongah CNLD nih hmuhma tamdeuh an lak tiah theih khawh pah a hung si. Hna a ngam ngaingai.

Tutan thimnak result ah miphun a ttanh taktak tu, Nationalism taktak cu an lang ko. David Ngaisak khua ciammam an si tiah faktuk phu zong an si fawn. Atu tiang an result hi rak zoh law CNLD nih fak tuk in an tei cang hna. Thantlang, Hakha bel ah a tu ning cun NLD nih hma an hruai deuh ve rih.

A mak ngai mi cu Thantlang peng khuate cheukhat ah USDP biatak tuk in an thawng ve hoi. Cun Thantlang peng khuate cheukhat ahcun Dr. Van Hmun Lian nih Henry Van Thio a teinak zong a um ve. MP Ni Sui Lian cu a mah a khua bak ah CNLD nih faktuk in an tei fawn hoi. Atu hi a khua kip in result an khomh cuahmah lio a si, hi result an khomh dih hnu ah vote tambik a hmu mi in teinak pek cuahmah an si te lai. Atu tiang cu khuate kip result lawng a si rih, a huap in result thanhnak, a hodah Chin ramkulh ah teinak a hmu timi taktak cu zeitik ah a fian lai timi theih a si rih lo. Credit: VOM