Salai Lungthil Tum Sin Cakuat!

To: Salai Lungthli tum sin cakuat: – 2020 thimnak ah ram le miphun sersiamnak dingah indipendent in MP na cuh ve caah upatnak kan pek. Nang cu aluan cia ah sifak santlai lo tampi na bawm hna caah upatnak kan pek. Nang hi NLD tanhtu narak si bal a tu cu Na Pu Bawi he a remh lo mi poh NLD MP acuh mi na duh poh in na ti hna. Rak kan fiang law a tha tuk lai.

2020 thimnak he pehtlai in mipi sin vote na kawlning zoh tik ah soiselnak le thangchiat tamdeuh chim in politic na tuah tikah politician na rak si lo ti afiang. Politic ah an policies doh cu aa tel ko nain number one ah mi soisel le doh hi chia ding a si ve lo. Mee 4000 ka ngei cang na ti rih. A sinain a tu mee 8000 bak hmun ding kan zuam rih lai na ti rih.

Mino na si rih i hmailei na kal ding lam na ruah bal maw?Kei cu policies ka ngei lo na ti rih. Nang mah le na mah pei ral na ser ko cuh. MP cuh ding na si I policies ngei lo cu dai tein a um ding asi ko lo maw? Atu na dirhmun hi party kip vaivuanh i cozah ngeih lo dingphun in na cawl cang. Mipi zawn na ruat deuh rua lo. Sifak na bawm mi hna cu na politics hriamnam ah na hman awk asi lo.

2008 phunghram tang ahcun party ngai pi pi hmanh nih cozah an ser zong ah an cawl kho lo va si kaw independent nih phunghram tang ah zei na tuah khawh hnga? Na chim rel ve lai nain dirkamhtu na ngeih lo ahcun santaihnak um te lai maw? Hi hnu cu independent napeknak policies kha chim ko, party doh in politic tuah hlah,,, khikhi mipi vaivannak politic tu asi deuh. Cr: Robert Ling