Salai Lung Thli Tum: Fawi Tuk In Mi Dang I Mawhchiat Hna Hlah Usih

Salai Lung Thli Tum: Fawi Tuk In Mi Dang I Mawhchiat Hna Hlah Usih

Laimi kan i cawmnak riantha bik a kan petu hna cu cozah rian, cozah tender le ramtha um Laimi nih Laitlang ah investment (inn thar sak, innhmun cawk, restaurant tuah tbk) an rak tuahmi hi an si. Mah a kan cawmtu riantha vialte cu kanmah lila nih ’tuah hlah u’ kan ti i kan khap.

Sianginn zong an kai kho ti lo, paw cawmnak rian zong a um ti lo, sabuti einak thongkhat hmanh ngeih ti lo hnu cun mino tampi caah cun ruahchan nak a pit cikcek khi asi. Hi ruang ah ruahchan nak a um deuh hnga maw tiin nulepa he meng thong ai hlatnak ah an tih tuk buin an kal cio khi asi.

Fawi tuk in mawhchiat hlah u sih. Ram a daih lio hmanh ah ramdang a rak kalmi hna nih atu harnak a tong taktakmi pawl ‘kal hlah u’ tiah thlauh khi cu sullam a um lo. ‘An mawh ve lo hi ta’ tiin i theihthiam a herh.Crd.. Salai Lung Thli Tum

Relchap thawngpangdang >>>>>Russia Ralkap Nih Ukraine Khuapi Bakhmut Lak An Timh Caah An Ralkap Hnu An Tolh
========
Russia ralkap nih Ukraine khuapi Bakhmut cu lak an timh caah, Ukraine president nih a ralkap hnu tolh dingin nawl apek hna tiah theih a si.

Ukraine chaklei Donets ram ummi ralkap kulh Bakhmut khuapi cu Russia ralkap nih ak kulh dih cang an chuahkhawhnak ding lam pakhat te lawng um tiah, Russia ralkap ṭuanvo ngeitu phu chungin pakhat nih a chim.

Hi kong he pehtlaiin, Ukraine president Zalenskiy nih a chim micu kanral teinak ding cu hmaithla ah kan thok cang lai atu cu hnu ah kan tolh chung rih a hau tiah a chim.
US telh in khuathlang lei ramkip nih Ukraine ralkap ralthuam tamdeuh in bawmh an i timh tiah theih a si.
#Lungmili Post
#Reuters