Salai LTT Catial Mi Kong Ah Salai Ceu Bik Thawng Nih Lehnak A Tuah Mi Le Salai LTT Nih A Leh Ve Than Mi Cu An Mak Ko

Salai Ceu Bik Thawng nih lehnak a tuah mi:

Ka nau… kum 2016-7 cankarlak thimnak ah Kawi Aung pa (Pu Lal Maung Cung) nih min a pek ve tihi ka rak thei bak lo. A kan kianh ti zong hi ka thei bak lo. Cucaah rak kan kian ka ti fawn lo. Pi Tlem le keimah lawng nih min kan chiah tihi a donghtiang ka fianning a si. Pi Tlem (Pi ZT) he an i kianh/kamhmi si le si lo cu ka thei bak lo.

Nain cu zong cu ka zum lo. Aruang cu — MP seat kha aho pumpak kan ta hmanh a si lo caah kanmah lawng iceih chung, ikianh chung, ikamh chung– buhtlang idilh chung– khawhmi a si lo. Thantlang EC zong nih an tuah khawhmi thil a si lo. Candidate kong cu Party Surlu(CEC) nih thimnak lai ah sohluah chiahnak caan kha official tein a thanh i cuhnu ahcun mizeipoh sok cio i cuchungah party mipi nih thim asi– kanmah party tel in mizei party poh nih cucu tuah asi.

Na van fiang dek maw? Van tuak law 2016 lio hna cu CNLD party zong kan rak si rih lo. Record ca khi rel law CNDP tiah a record ah ai tial ko khih. Atucu CNLD, party thar, hmatpungtin thar, le party Phunghrampi(Constitution) zulhphung thar in kan kal. Candidate thimnak zongah bylaw zulhphung thar suaimi kan nei, kum 2020 January ni 21 lawngah cucu pengkip EC kan thanhmi hna a si. Cuhlan kong kha ceih awk um lo. Na lungfianning nai palh bia si lai ka ti.

Kei cu ka thei bak lo hih. CNLD cu kum 2019 (June) lawngah party thar in hmatpungtin in a dirmi kan si. Kum 2016 lio i CNDP lio meeting an biakhiahning(na hun chuahpimi) ningin a si ahcun — cu meeting lio i candidate zulhphung an chuahmi pa 10 ti si rua, lakah— ahmun ummi a si lai, ngeihchiah lei ah a nungcang khomi (a neinungmi) a si lai, ti pawl hna ai tel an ti le… cu pawl nihcun a ka kham diam cang lai cuteh :-).

Ka nau, a dikmi ttanh na duh na ti caah kai lawm—adikmi ttanhnak dingah a dikmi theih hmasa a hau ve hnga. Thawngpang cheuchum half information lawng na laak caah luai deuh kan ti lai cu. Na lungrang deuh ka ti ko lai. Keimah asiloah Kawi Aung pa zong hun kan hal chap law na fiang ngai ko hnga nain. Asiloah falsify na tuah hrimhrim, asiloah kan karlak le kan party caah biatuah hrimhrim dek si hnga.

Salai Lungthli Tum lehnak

nan party biachahnak ka thei lo na ti i ka khuaruahhar pah, meeting ah nai tel lo a si kho nain record zong a ummi biachahnak ka thei lo na timi cu a dik deuh lo tiah ka hmu.

Biakamnak zong um ko sual hmanh sehlaw, party thar a si cang na timi zong hi a dik mi a lo nain a dikmi a si lo. A min lawng nan thlenmi a si, riantuantu le Tt lei nan kalpi ning ai thleng theng lo. Biakam zong ai thlen awk a si lo tiin ka hmuh. Cun, zeitluk kan i al ko zong ah thinhunnak langhter loin caleh na hmanmi hi upat na tlaknak a si. Mah hi tampi nih kan i harh bik, nain nang cu nai fawih ngai. Hi zawn ah cun upat kan pek.

Salai Ceu Bik Thawng nih a leh than mi

Pakhatnak ah — kan party ahhin Peng Comiti timi (Township Executive Comittee) hi atu hi 24 kan nei, Peng 24 ah kan dir, Laitlang peng 9 pin ah Kawlrawn ah peng 15 hrawng ah kan dir. Atu hi Rakhine ram peng 6 ah dir kan i tim rih i peng (townships) 30 ah dir ding kan si. Cuvialte Peng EC cungah cun CEC timi Central Executive Committee a um i cu ahcun kei kha General Secretary a phungmen tein ka hei itel ve. Headquarters ah ka um, kaa tel i atu ca na timi khi Thantlang Peng EC meeting record a si rua, kai tello i ka thei lo. Cucaah cuka an meeting ah kai telnak ding a um lo i bia ka vai ikam venak ding a um lo, hnatlak ding ka nei lo. Khuaruah har ding si lo 🙂 Pahnihnak ah— “kalpining ai thleng lo” timi hi na hei ruahnak sawh (assumption or speculation) khi asi. Kan party Phunghrampi(Constituion/Charter) hi party pa 3 kan ifonh hnu ah a thar in kan tial i party pa 3 i kan hmanning ai khat ciolomi tete zong kan fonhtonh len caah aa dang ngaite— na rel lo caah a si. Candidate thimnak zong khi atu kan Charter article 19(f) ah kan tial i cucu CNDP kan si lio he aa dang ngaite. CNP/CNDP lio ahcun Pengkip EC kha 100% full authoriy kan rak pek hna le atu CNLD phung ahcun Central nih ahruai in atlangtlak (usawng-ciciat-me) lai ti a si. Cu phunghram cauk cu kan party zung kip ah rel khawh in kan chiah ko (thuhphenhmi si lo). Cu candidate thimningcang cu kan chairman Pu Ngai Sak nih Chinworld ah naite ah tling ngai in a hrilhfiah ko khah.

Salai Lungthli Tum nih a leh than mi

‘nan ka pek cia, a lawng ti lo’ tiah LMC nih an ti cang ko i al chih ahcun party mualpho lai timi na theih ko buin na nor chih vemi khi uar um lo ngai ka timi a si. Nan phung he ai kalh ko, nain i theihthiamnak in Tt EC nih an rak pek ciami cu a si. Khakha na cohlan piak duh lo, na zuamcawh chih ve. Na palh kan ti lo nain nangmah pumpak duhnak biapi bik na chiah timi ka hmuh khawh.

 232 total views,  1 views today

This function has been disabled for Chin 11 News.