Salai Lungthli Tum: Chinram Hruaitu Sining Law Ka Saduhthah (3)Nak

Ka saduhthah (3) nak

Kan Lairam ah khin mitsur(grape) a tha taktak, cinnak ding vawlei zong tamtuk kan ngei ko. Hakha ah ramdang standard tluk a sangmi wine chuahnak sehzung um ve sehlaw Laimi caah income tamtuk a ser lai hlei ah minung tam taktak rian a pek kho fawn lai i kan miphun pawcawmnak caah suikhur bantuk a si ve hnga.

Ramdang export tuah a har deuh hmanh ah Kawlrawn ah zuar khawh a si, Mizoram ah zuar khawh a si fawn. Quality ngei tein kan chuah ahcun an uar tuk ko lai.

Laitlang zong ah Kawlrawn in a lutmi zuu chiahru pawl luhter ti loin pumsa le ngandamnak caah a tha deuhmi Lairam chuak wine deuh an ding lai i zapi caah thahnemnak a chuahpi ngai hnga.

+++++

Salai Lairamthang Tial mi hi rak rel chih ko :

Tuluk Nih Super Power Si A Tinh

*********************************

Tuluk cozah nih Wuhan khua an virus hmang in vawleicung pumpi a kan zawter. Minung million 15 renglo Virus in a kan zawt ter. Minung 630,000 renglo a kan thah. Mizaw mi caah a herhmi PPE, Ventilator, Mask le supply chain vailte a kan zuarh i Tuluk cozah nih phaisa billion I a hui I an rum chinchin. Ram tampi ahzung rian, private rian an khar caah vawleipi nih a sunghmi phaisa hi rel cawk ding a si lo. Asinain Tuluk cozah cu virus ruangah a rum chinchin.

South China tikulh tampi zong a laak chap. Hong Kong zong ah security phung thar a ser I, an zalonnak a hrawh I, a rek hna. India he ramri an I cuh caah India rakap minung 20 a thah men hna. India cu Virus nih a den ve hna caah China cu faak in an leh-rul kho lo.

Australia cozah nih Virus a thawkning hlathlai dingah UN ah bialu a chuahpi caah China a thinhung I, Australia essential service le sizung pawl cu cyber attack a tuah colh. Taiwan ramri lonh in raltuknak vanlawng le tilawng in a tlirh lengmang hna. Tuluk President Xi nih Taiwan cu 2049 hlan ah laak ding in timhtuahnak a ngei ti a si. Cucaah Tuluk nih atu bantuk in Virus a thlah phoihter mi hi super power si a duh caah a tuahmi a si lai tiah zumh a si.

 306 total views,  1 views today

This function has been disabled for Chin 11 News.