Salai David Ngai Sak: Ramrian Ah CNLD Hawikom Hna Muisam

1.  CNLD nih Ramkhel Hawikom ah a mumal hna cu: Party I a hran Phunghram dal (5nk) le Party Surlu dundan 6 (f) btk in asi lai.

Adikthlir mi Democracy Hmuhco nak ah; A dik mi Ramkomh Cozah serh ding ah; Tlangcung Miphun vialte nih Mah tein Khuakhan Lairel nak caah: a cawlcang mi Party vialte / Bu vialte / Mi Pumpak, tbk hna he biatak tein kutsih in rianṭuan ṭi ding.

2. Miphun tlukruan nak / Mah tein Khuakhan Lairel nak Nawlvo tling ter tu / Federal Ramkomh serh ding ah mumal a ngeih I; cu mumal ning tein Ṭuanchuak ding mi Party hna he lawng lawng Kutsih in Hawikom ah kan in serh hna lai.

3. CNLD dohdal tu le thangchiat duh tu hna nih: CNLD cu “Kawl Ralkap he an I fonh te lai; USDP he an I fonh te lai” tiah thawngapang deu an ṭial mi kha zumh bak lo ding; Chin Mivial te nih miphun rian ah ruat in” Lungrual tein doh hna usih.

4. Kum 5 chung Nawl ngeih nak le Ṭhancho nak caa lawng aa hmai thlak mi Party si loin, Chin mi vialte (aho hmanh baulo tein), Miphun tlukruan nak: Mah tein khuakhan Lairel nak: hmuhco khawh nak ding caah, Techin Fapar chan tiang a ngut in Ramkhel mi Chin Party asi.

5. Chin Miphun le ram caah a nun nak pe mi Ramdaw tu hna le phuntung tu hna; rianṭuan nak le cawlcang nak kha Upat hmaizah nak pek buin; Tlukruan nak: Mah tein Khuakhan Lairel nak, Zungzal a ngu mi Federal Ramkomh sersiam ding in Hmuitinh Fek tein angeih mi Party hna he kutsih in ramrian ṭuanti ding ah a fekmi Biakam nak he.

Source: Saya Rung Kaw’s Fb

 176 total views,  1 views today

This function has been disabled for Chin 11 News.