Salai Bawi Lian Mang Nih US Ram Thithruai Nak Kum 400 Chung An Sining A Tial Mi Cu Rel Nuam Kho Tuk

By Salai Bawi Lian Mang 

Washington DC, US Department of State nih Ministerial level pawl conference an tuah mi ah an ka sawm ve I nikum ah khan kava kai ve. Cu conference a dih zan ah cun State Deprtment nih party an tuah. Cu party an tuah nak hmun cu Smithsonian National Museum of African American History and Culture ah asi.

US cozah pi I State Department hrat cu an party tuah cu a lumsa, a hlunghlai ngai ko.
Wine a thaw mi a phunphun, wine he vun I dinh chih ding ah a rem mi a meh phunphun he Museum lobby I hmun kip ah bar cu an hun, a meh cu dawhte le ttha te in ai thuam mi server pawl nih tray in an chawhpi I mah zawn phak poh ah duh mi I lak I I dinh asi.

Hibantuk party an tuah ah hin thutdan an chia hramhram tawn lo. Wine hrai itlaih pah in i chok hna sehlaw hawi he ichawn hna seh ti asi lai dah.

Suimilam cheu hrawng wine mawng phut in kan din hnu ah Assistant Secretary of State nih bia a chim I nan wine hrai I tlaih bu khan African American pawl nih kum 400 chung an rak ton mi an tuanbia le an sining, nuhrin covo kong ah zalon nak an khuallam hmuhsak nak hi zoh u law tiah a kan ti.

USA I an tuanbia hi vawlei dang nih I cinken hna sehlaw nunchimh nak ah I lak ve hna she ti asi theu lai. Nai hrawng USA I thil acang mi nih kan lung an kan tuaitam ngai cio.
Abik in ram hruaitu asi mi nih mah zawn lawng ruat riangmang in, biaknak nawnnok, miphundangdeuh namnet, le thleidan nak mei an kau tik ah cu mei cu zapi sin a phak tik ah a hlio in ai hlio I rawhral nak tampi a chuah pi. Mi thinlung ah hma a hmuah.

Abik in African American pawl (Minak) pawl cung ah zawnruah nak a nei mi an tampi bantuk in Minak pawl cung ah hmuh thiam lo nak le nehsawh zawmhtaih phun in kanmah Laimi upa cheukhat bia a chim mi le ca a ttial mi zong kan um pah len. Lung a ttha lo ngaingai.

Laimi hi mi nunttha, mi zawnruat, mi thlachiatruat kan si kan ti ko bu ah a cancan ah cun miphun thleidan nak ah kan rak ruh ngai nak zawn tete a rak um ko rua.

A luancia kum 4-5 lio ah CBC USA mino summer camp an tuah nak ah an rak ka sawm. (Racism le human rights} miphun thleidan nak kong le nuhrin covo kong rak kan chim tiah an rak ka ti. Cu kong cawnpiak ding cu thil har ngai asi. Lai Mino 300 renglo College Campus pakhat ah class room 10 ah an I tthen I room khat hnu room khat in ka lut. Ka luh nak room kip ah keimah nih bi aka hal hmasa hna. Ka biahal nak cu hihi asi;

Zeiruang ah dah Racism kong celngel hi cawnpiak ding in nan ka sawm? Tiah ka hal hna.
A hram thok ah cun a chim an iharh na in an zapi ngawt in an ka leh mi bia nih kan thinlung a ka suk ngaite. Zeica tiah, Laimi kan nunphung le kan sining ah k arak ruah ballo mi bia kha USA I a hmet te in a tthangmi le ca a cawng mi nih an chim mi bia asi caah ruah ngaingai a hau.

An ka leh mi cu: “Laimi hi kan racist tuk”. Kan nu le kan pa hi an racist tuk. Mi phundang kom hna hlah u, ti le a bik in Minak pawl kom hna hlah u” tiah an kan ti.

Kanmah kan si ning ah le Kawlnih ann kan thleidan caah kan ram kan chuah tak I USA ah ralzaam in kan rakra kan tina in kan mah bantuk theidan a rak tuar ve mi minak pawl hi kan mah tu nih kan thleidan deuh hna tiah an ka chimh.

Vun rang le vun nak, miphun thawhkehnak ti bantuk in minung tuanbia ah rak ithleidan nak, sal I rak itlaih, rak I zuarh le rak izuat te hna kan kal tak cang kan tina in kan mah kan thinlung ah kha thleidan nak sal ah kan tang peng rih hlah maw ti hi ruah phu ngai asi.

USA hi an tuanbia a rak linsa ngaimi an si. Meithal le thazang bak in rak nawr I an rak dirh mi ram asi. Cu nunphung cu a tu tiang a tlau rih lo. Zalon nak hmuh duh ah Europe in vawlei thar ah an rak ra na in cu vawlei thar ah cun an minung hawi kha sal ah an zuat hna I cinthlak nak le zuatkhalh nak fak pi in an rak tuah.

Sal zuat duh le duh lo tiah an ram chak le thlang ral pi an rak tho. An rampi a rak I cheu phah deng. Minung tam taktak an rak thih, an rak paam phah.

Sal luat nak an tuah hnu zong ah thleidan nak a dih kho hlei lo. Ni hin ni tiang ah buaibai nak le chimrel awk a um peng rih.

US Department of State nih Ministerial level pawl conference an tuah mi ah an ka sawm ve I nikum ah khan kava kai ve. Cu conference a dih zan ah cun State Deprtment nih party an tuah. Cu party an tuah nak hmun cu Smithsonian National Museum of African American History and Culture ah asi.

US cozah pi I State Department hrat cu an party tuah cu a lumsa, a hlunghlai ngai ko.
Wine a thaw mi a phunphun, wine he vun I dinh chih ding ah a rem mi a meh phunphun he Museum lobby I hmun kip ah bar cu an hun, a meh cu dawhte le ttha te in ai thuam mi server pawl nih tray in an chawhpi I mah zawn phak poh ah duh mi I lak I I dinh asi.

Suimilam cheu hrawng wine mawng phut in kan din hnu ah Assistant Secretary of State nih bia a chim I nan wine hrai I tlaih bu khan African American pawl nih kum 400 chung an rak ton mi an tuanbia le an sining, nuhrin covo kong ah zalon nak an khuallam hmuhsak nak hi zoh u law tiah a kan ti.

USA I an tuanbia hi vawlei dang nih I cinken hna sehlaw nunchimh nak ah I lak ve hna she ti asi theu lai.

Kum 400 chung an tuanbia ttha te in theih ah cun minung thinlung a nei zinpan mi nih cun USA I minak pawl hi an zawn ruah lo awk a ttha lo. Washington DC nan phak ah cun mahhi museum hi va zoh cio te u law.

 160 total views,  1 views today

This function has been disabled for Chin 11 News.