Saisihchuah Myanmar (Burma) Ramri Phihkhar Taktak A Si Cang

Saisihchuah Myanmar (Burma) Ramri Phihkhar Taktak A Si Cang

Dt. 17.3.2020 ni i YLA Sub-Hqrs: Sangau hruainak in Sangau khawchung Jt. V/C le Branch YLA (Sangau-I, II, III, IV ; Pangkhua le Sentetfiang) biaceihnak nih bia a rak chah cang bang in nihin (Dt.18.3.2020) ni ah Covid-19 hrirai ruang ah Saisihchuah ah (India&myanmar) ramri phihkhar a si.

Ramri phitkhar ding hin Sangau khua (town area) in khuatlang hruaitu mi 30 reng lo hna cu ramri Ṭiauchuak via Saisihchuah ah an kal i, Burma lei khuachingchan – Nukaitlang, Bungtlang le Sialam khua Bawi hna he Tipi ah i tong in Ramri phihkhar a herhnak kong le biatak tein kan ṭuanṭi a herhnak hna an i chimruah hnu ah hi rampi phihkhar rian hi lungthin i hmu bu te in an ṭuanṭi hna. Tipi (India lei ah) phih a si i, Tipi ral pet in Burma lei le India lei ah kal sian a si lo tiin bia (hoarding) taar a si fawn.

Burma lei ah hin anmah Burma lei zong nih bia an rak taar ve lai i, khuachingchan – Nukaitlang, Bungtlang, Thau, Sialam, Hmunhalh le hmundang dang ah thawng an rak thanh ve fawn lai. Ramri phihkhar rian an dih hnu ah rawldum ṭinak hna an ngei i, an i ṭhen.
Kan hmaizarh thok khin Tipi ah Duty post tuah a si lai i, Sangau-I, II, III & IV le Pangkhua cu ai chawk in an duty peng cang lai.

Laknak: Laitlang Thlizil News & Entertainment

 131 total views,  1 views today

This function has been disabled for Chin 11 News.