Sai Fate Nih A Pi A Ngai Tuk Ruangah A It Pi

Saram hi minung ban tuk in dawtnak a nei tuk mi an si, saram lakah sai hi saram dang nak in dawt nak a nei tuk mi an si. Kenya, Sheldrick Wildlife Trust pawl nih ramlak ah an kal i sai fate an char. A pi an kawl piak nain an hmu kho lo, a pi cu a dam maw a thi zawng thei a si lo.

Saram humhimtu pawl nih an lak i an cawm, A pi hnukte a ngai in a ttap lengmang ruangah zan ah   an i hngilh kho lo. (sai hi kum 3-5 hnuk te an tuah piak i hnuk te cu an dinh tawn).

Cu tikah riantuan nih cun a hnemh i a itpi hnu ah ihhmu thaw tein a hngilh khawh than. Sai fate sin ah a it theu i sai fate nih cun a pi cu angai ti lo. Kan hnung thla nai te ah khan tsavo East National park chungah zebra (ram rang tial) fate zawng an char bal cang, a pi cu sehtu nih a seh piak ruangah lung fah nak tiang in a nei  chih an ti.

Saram vengtu nih an mah zebra ( ram raang) ban tuk in hnipuan a hruk i a zohkhenh ruangah zebra fate nih cun a theihthiam lo i a pi ah a rel.

A lungfahnak zawng nikhat hnu nikhat a zia um deuhdeuh cang, Sheldrick Wildlife Trust pawl nih cun mah ti i an tuah mi hi an voikhatnak lawng a si lo, voi tampi an rak tuah cang i an hlawngtling nak kong cu an chim.

 173 total views,  1 views today

This function has been disabled for Chin 11 News.