Sagaing Ramthen Kahdohnak Ah PDF Nih SAC Ralhrang 10 leng An Thah Hna

Sagaing ramthen chung pale peng Nwe ing khua pawngah SAC ralhrang le Pale PDDF cu nihin september 21 zinglei suimilam 10;00am hrawngah kaphnih karah kahdohnak a chuak i SAc ralhrang minung 10 leng an thi i tam ngaite hliam an tuar tiah theih a si.

Pale PDF ralkap lei zong kahdohnak hmun ah SAC ralhrang kuan hma minung minung 3 nih an tuar chih ve tiah theih a si. Zahan september 20 zongah Nwe Ing khua ah hin SAC ralhrang minung 50 nih hmun hma an khuar pah in Chin Pyint Kyin khua ah inn 4 mei in an khangh piak hna tiah khuami pakhat nih a chim.

Relchap:People Defense Force (PDF) hna cu hriamnam pek dingin timhtuahnak kan ngei cuahmah lio, an dihlak in pek dingah cun tlawmpal hngah rih a hau ve tiah NUG cozah Natural and Environment Minister a simi Dr. Toe Khaung ဒေါက်တာတူးခေါင်) a social media ah a langhter.

Ramchung ramleng Myanmar mipi hna nih NUG le CRPH ah an hlutmi tangka cu US Dollar million 17 leng a si cang nain zeihmanh an tuah bal lo tiin phunzainak bia a um pah caah atu bantukin Dr. Toe Khaung nih a social media ah a langhtermi a si.

Dr. Toe Khaung nih cun “Ramchung hmunkip ah a ummi PDF hna caah herhbaumi cu a tam rih ko. Peng pakhat ah meithlai 100 pek ding hmanh in zun 33000 a hau. Atu tiang kan hmuhmi tangka million 17 man kan cawk hmanh ah zun 5000 hrawng lawng a ngah lai, mah nak hmanh in a fak deuh lai” tiah a tial.

Khatlei ah ralhrang le mipi vengtu ralkap kahdohnak a fak chin lengmang fawn. Chin ramkulh, Kaya ramkulh, Kachin ramkulh, Karen ramkulh, Sagaing le Magway remthen hna ah nifatin kahdohnak a um peng.

Gangaw lei ah cun ralhrang nih misawhsawh thuam he tuahchom meithal i put in mipi vengtu ralkap bantukin an cawlcang lengmang tiah theih a si. NUG Minister Dr. Toe Khaung zong nih mipi vengtu ralkap bantukin a cawlcangmi ralhrang hna kha tha tein i ralring hna u tiah a social media ah a tial chih. Source: BBC Burmese

Be the first to comment

Leave a Reply

Your email address will not be published.


*