SAC Ralkap Nih Thantlang JMBC Biakinn Meithal In An Kah

Ralhrang Kut Tuar JMBC Biakinn
===========
Sept 14, nizan zan 8:30-10:30pm hrawngah ralhrang nih Thantlang khuachungah meithal an puah len tiah theih a si.
Thantlang khua chungah Khrihfabu ngan pakhat a simi Johnson Memorial Baptist Church (JMBC) biakinn cu ralhrang nih an kah chih. Thla-lang a kuaimi le vam a pemmi/rawkmi tam ngai a um.

Relchap: SAC ralkap nih Thantlang khuami pakhat an kah, a thih le nun a fiang lo;  September 15 zing Thantlang Market in Sayama Nu Tha te inn kar hrawng ah SAC ralkap nih khuami pakhat meithal in an kah, a thih le nun a fiang rih lo tiah kan theih.

“Motorcycle an kham hna. An toolbox tiang an check. A zaam mi cu an kah len hna. Pakhatpa hi an kah i a rilh caah an kalpi colh. An hliamh ning a dinfah kan hngalhlo bantuk in a thih le nun kan hngal lo,” tiah khuami pakhat nih The Hakha Times ah a chim.

September 14 zaan in Septemner 15 zinglei tiang Thantlang khua ah meithal thawng a dai kho taktak rih lo.THT