SAC Ralkap Hriamnam Le Letnat Ngan He Kan Sin Nan I Up A Si Ahcun Ting 200 Kan In Pek Hna Lai

SAC ralkap le palek pawl an hriamnam le an letnat tlang pipi he mipi caah a ra i a up mi cu laksawng kan pek hna lai. CDF nih SAC ralhrang kan sin i nan rat pinah nan hriamnam he nan rat a si ahcun laksawngah ting 200 kan in pek hna lai i nan himnak tiang kan in tuak khan pi hna lai tiah an sawm hna.

Relchap:D-Day tiah thawngthanh hnu zarhkhat chungah rallokap phu lei in minung 190 leng an thi

D-Day tiah thawngthanh hnu zarhkhat chungah kahdohnak ruang le buaibainak ruangah rallokap phu lei in rallokap minung 192 an thi,hliamhma tuar mi minung 68 an um tiah NUG in Ministry of Defense nih cathanh an chuah.

Kawlram chungah February ni 1 thok in rallokap phu hna nih hramhram nawlngeih nak an lak hi thla 7 leng a rau cang. A luancia September 7 ah rallokap phu hna nih hramhram nawlngeihnak an lak mi kong ah dohding in NUG cozah nih thanh nak a ngeih.

PDF phu hna nih rallokap uknak dohding in le, mipi hna zong nih a herhlo ah khual tlawnlo ding in le pumpak cio humhimnak ding caah ralrin ding. Cun a herhmi sii-ai khon cia ding, tlangcung hriamtlai phu dihlak nih rallokap uknak doh ding le, rallokap uknak cu mipi thazaang nih doh cio ding in caan karlak president Doe Wa La Shila nih a chim.