SAC Ralhrang Rual Hmun An Khuarnak Drone In An Phomh Hna Ralhrang Ceilak An Thi

Monywa-Mandalay Lam Ah Umhmun A Khuarmi SAC Ralkap Pawl cu Drone In Bomb Thlakhnawh An Ton Caah 9 An Thi
===============
Monywa-Mandalay lam ah umhmun a khuarmi SAC ralkap pawl cu, drone in bomb thlakhnawh an ton caah SAC officer pakhat telh in 9 an thi, tiah Myinmu-Black eagle phu in ṭuanvo ngeitu pakhat nih a chim.

December 25,26,28 le 30 ah Monywa-Mandalay lam cung um SAC ralkap pawl cu drone in bomb thlakhnawh an ton caah 9 an thi, tiah theih a si.


December 25 le 26 ah drone in bomb thlakhnawh an ton caah hliamhma pumi an tam. December 28 kahdohnak ah SAC ralkap 4 le December 30 kahdohnak ah SAC ralkap 5 an thi, tiah theih a si.

“I thuhnak khor an cawhnak ah an um lioah drone in bomb kan thlakhnawh hna caah SAC ralkap 9 an thi. Mizapi hna nan lungdong hlah u, kan hmuitinh a simi Democracy uknak kan ngah ṭhan deng ko,” tiah Black Eagle Defence Force – MMU in ṭuanvo ngeitu nih cun a chim.

Cu kahdohnak ah Black Eagle Defence Force – MMU, Myinmu Pah Kah Phah, People Defense Force Myinmu_MMPDF / T.G.R Women Drone Force (Myaung) hna i bawm in an kah hna. PDF drone pakhat kahpiak an ton caah cawkpiak ṭhan dingin mizapi cu Black Eagle Defense Force – MMU nih an nawl hna, tiah theih a si.

Relchap>>>>>>>Juphyu Guerrilla Force Ralkap 10 Nak Tlawm Lo An Dam Lo Caah Hriamtlaihnak Kongkau Harnak An Tong
=============
Juphyu Guerrilla Force(JPGF) in ralkap 10 nak tlawm lo cu kik tlaih in an zawt caah eidin facang le sii-ai kan chambau tuk, bawmhchanh kan herh, tiah JPGF nih an chim.

Ralkap 10 hrawng cu a luancia 2022 December thla in an zaw i umnak rep ngei lo le puan lum, angki lum loin an um, tiah theih a si.

“Cheukhat cu an dam cang nain cheukhat cu an dam kho rih lo. JPGF phu hi pehzulh in a dir khawh nakding ah eidin facang, hriamnam le thilri dangdang hna kan herh ko,” tiah JPGF in ralkap pakhat nih a chim.
JPGF phu a dir khawh nakding ah ralkap hna nih kan ngeihmi thilri kan rak zuar i kumkhat leng kan kal cang. Atu cu thilri zuar awk zong kan ngei ti lo, tiah a chim chap.

Cucaah caan saupi tiang kan dir khawhnak ding le SAC ralkap kan tei khawh nakding ca ah mizapi nih a lamkip in bawmhchanh kan herh, tiah JPGF nih an langhter.
JPGF cu Shan ramkulh thlanglei le Karenni ramkulh ah umhmun a khuarmi an si i, ṭangṭi PDF hna he i bawm in SAC ralkap a do cuahmahtu an si.

 

Be the first to comment

Leave a Reply

Your email address will not be published.


*