SAC Ralhrang Palik Sakhaan An Kah Hna Palek 4 An Thi, An Hriamnam Ceilak An Laak

Palik Sakhan Pakhat An Kah, Palik (4) An Tlaih Hna I Hriamnam Zong An Lak
===================================
Sikpar[November] 13, 2022_CCN Channel
Mon ram, Kyaikmaraw(ကျိုက်မရော), Chaunghnakhwa(ချောင်းနှစ်ခွ) palik sakhan cu KNLA le Nakani(နဂါးနီ) ral lamsial phu hna nih sikpar 12 zinglei ah an kah hna i palik(4) an tlaih hna, 2 an zam i hriamnam zun(7) le zenkuan hna an lak khawh tiah Khit Thit Media nih a langhter.

AK 47 zunkhat, M16 zun(4),G3 pakhat, AK 47 kuan 200, M16 kuan 500, G3 kuan 300, 60MM kuan 10 an lak khawh tiah theih a si.
Kahdohnak a dih hnu ah ralhrang nih vanlawng in an kah hna caah hliamkhuainak um lo tein hnu an kir țhan. Vanlawng nih bomb a thlak caah inn le lo hna zong an rawk, khuami hna hmunhim ah an zam tiah theih a si.

Relchap>>>>>Pawngkam Nih Nunzia A Thlen Khawh
======================
🔸A lungsau i a thinfual mi si na duh ahcun mi thinfual le lungsau mi hna pawng ah um i zuam.
🔸Dawtnak he midang cung ah zawnruahnak lungput a ngeimi hna pawng ah na um ahcun, cubantuk lungput le ziaza cu na ngei ve ko lai.
🔸Mi kong ceih a hmang tuk mi hna pawngkam ah na um peng ahcun, mi kong chimceih na hmang ve ko lai.
🔸Dinfelnak ṭanhmi hna pawngkam ah na um ahcun, thildik ṭanh duhnak nun na ngei ko lai.

🔸Thildik a ṭanh i thilṭha tuah aa tim peng mi hna pawng ah na um ahcun, cu nun cu na ngei ve ko lai.
🔸Lawm tein a nun caan hman aa zuammi hna pawng ah na um ahcun, lunglawm tein nun zia na thiam ve ko lai.
🔸Pek nun a ngeimi hna pawng ah na ṭhutdir ahcun, pek nun na ngei ve ko lai.
🔸Tuahmi rian kip ah zuam duhnak lungput a ngeimi hna pawngkam ah na um ahcun, ṭhancho duhnak lungput na ngei ve ko lai.

🔸Cu ve bantukin bo tuk in a ummi hna pawng ah kan um ahcun kan biachim holhrel ah kan bo ve kho men, tinsihchih in a nungmi hna sin kan um ahcun an caah siang ngai in va nun ve cu kan i harh kho men, a thathu tuk mi hna pawng kan um ahcun kan tha thu ve kho men, ziarngei mi le lungput ṭhalo mi hna pawngkam ah kan um ahcun lungput ṭha ngeih ve cu a har ngai.
🔸Cu caah kanmah tein nunzia remh ai harhmi kan si ahcun, kan pawngkam hi nunzia thlennak caah a rak biapi tuk ti kha philh lo i zuam hna usih!
By. Mai Anna Par(Journalist of The Chin Post)

Be the first to comment

Leave a Reply

Your email address will not be published.


*