Yangon ramtthen Hmawbi peng khuate pawl cu khua khat mino 30 cio chuahpi hna dingin kawl ralhrang nih khuabawi pawl an fial hna tiah theih a si. Ralkap le palik pawl nihhin khuabawi pawl cu pumpak in an auh cio hna i khua khat mino 30 cio khawhsuat piak hna dingin an rak fial hna hi a si i khuabawi pawl tu nihcun sang upa pawl tu kha an rak fial chin ve hna.
Cuticun Hmawbi peng khuate pawl cu an zapi te fial an tong dih hna tiah khuami pakhat nih a rak chim. Atutiang ahcun hibantuk kawl ralhrang fial rian hi Hmawbi peng Myaungtaka sehhmuh zung ummi Kalar Kone khuabawi U Kyaw Htay nih September 3 in khan a thawk cang i mino khawmhsuat cu a tlangtalk cuahmah tiah theih a si.
Kawl ralhrang nih an khawmhsuat ter mi hna hi mino lei deuh lawng an si hna. Hmawbi peng khuate in mino pakhat nih “hi ralhrang pawl kut tang um ding cu kan duhlo. Kan luat nak hnga caah kan zaam lai” tiah a chim.
Hibantuk mino an khawmhsuat ter mi hna hi ralhrang nih zeitin an hman hna lai timi bel te theih a si lo i zei ruang i mino an khawmhsuat ter hna timi zong theih a si lo. Source:Mizzima
Leave a Reply