SAC Ralhrang Nih Mipi Kan Thih Le Kan Tuar Hi Zeihmanh Ah An Rel Lo

Mizapi harsatnak ding ruat loin khuachung ah SAC nih hriamngan an hman: CDF

Ralhrang ralkap nih Hakha le Thantlang i Sakhan an chiahnak hmun in mizapi harsatnak ding ah timh ciammam in mizapi umnak hmun ah hriamngan hman in an puah, mizapi nunnak zei rel lo in khuachung ah hriam an hman, tiah Chinland Defense force Headquarter nih an tial.

“Ralhrang hna nih mizapi umnak innlo ah mizapi nun himnak ca ruat lo in an ruahnak in khuachung ah hriamngan an kah cuahmah mi hi mizapi nunnak zei an rel lo mi le mizapi thih loh ding zei an rel lo mi a lang, kanmah CDF nihcun mizapi humhimnak a hnursuan lonak hmun lawng ah kahdohnak kan tuah.

Cucaah ralhrang ralkap hna tuahto mi pawl le an umkalnak vialte CDF sin ah thawng na kan thanh naklai kan in nawl hna,” tiah Chinland Defense Force Headquater Facebook page in an langhter.

September 8 in 9 tiang ah Hakha le Thantlang ah kahdohnak a um i SAC ralkap nih hriamngan an hman caah Hakha le Thantlang khuachung innlo a rawk mi a tam, tiah kan theih.