SAC Ralhrang Nih Khuapi Pakhat An Khangh Than Ee

Wetlet Peng Thankyi Khua Cu SAC Nih An Khangh

Sagaing ramthen,Wetlet peng Thankyi khua cu SAC nih nizan zing in mei in ankhangh hoi i zahan zaan tiang ah inn (300) deng cu a ciamdih lai tiah theih a si.

“Hi khua hi inn (400) hrawng um nak a si i a kangdih ti awk a si ko, thil zeihmanh ai la manh lo a ciamdih” tiah tualchung mi nih an chim.
Tu dirhmun ah SAC ralhrang nih khuachung cu ralhmai (3) i thlak in an luhhnawh hna i hmunram thianhhlimh nak kan tuah tiah chuanlam i ser in mipi inn hna cu an khangh piak hna leng ah an tlaihkhih hna caah khuami zong an kirngam rih hna lo tiah theih a si.

Relchap>>>>>>CDF-Hualngoram Nih LIANDO Hospital Honnak An Tuah
Chin ramkulh, Hualngoram ah

Hualngoram Peoples Organization CDF-Hualngoram nih tuah mi LIANDO Hospital honnak cu November 12 ah tluang te in an tuah khawh, tiah theih a si.
LIANDO Hospital onnak ah hin HPO/CDF-Hualngoram hruaitu hna le Mizoram Lianpui khua in VC, YMA, MHIP, NGOs hruaitu hna nih an telpi hna i hruaitu hna nih biatawi chimnak an ngeih hna pin ah lawmhpinak ah Rs.5000 an pek hna. LIANDO Hospital honnak a dih hnu in CDF-Hualngoram hriamnam thar a phan mi le mawaw thar an ngeih mi Pathian sin pek chanhnak zong an ngeih chih, tiah theih a si.

LIANDO Hospital hi CDF-Hualngoram vennak in io kam ah hon a si i Mizaw ihkhun 8 le Operations khankhat a um, Mizaw zoh man laak a si lai lo. Mizaw a rak i zohtermi hna tu nih mahle sian tawk cio bawm chung ah chiah khawh a si. LIANDO Hospital hi Hualngoram mipi ca lawng siloin Mizoram lei mipi hna ca zong ah santlai ngai mi a si, tiah CDF-Hualngoram hruaitu pakhat nih cun a chim.
Crd- The Chin Post

Relchap>>>>>SAC Helicopter Nih A Kah Sual Hna Caah SAC Ralkap 69 An Thi
====================
Sagaing ramthen Myiang peng Yesagyo peng aa pehnak ah SAC Helicopter nih anmah SAC ralkap cu a kah sual hna caah 69 an thi tiah theih a si!

November 13, zinglei ah khan misawhsawh thuam i hruk in SAC ralkap rual nih Myiang peng le Yesagyo peng aa pehnak hrawng i khuate cheukhat cu an khangh hna i an kirlei ah tualchung hriamtlai hna he hmaitonh kahdohnak a chuak! Zing 9:30am hrawngah SAC ralkap hna bawmh dingin Mi-35 Helicopter pakhat a ra i misawhsawh thuam aa hrukmi SAC ralkap cu a kah hna tiah tualchung hriamtlaibu CDSOM chimnak nawlngeitu Ko Nway Oo (ကိုနွေဦ:) nih a chim!
Source: Khit Thit Media

Be the first to comment

Leave a Reply

Your email address will not be published.


*