Kawl ralkap nih CNF umnak camp victoria lei ah an thazang an chap thluahmah cang hna.CNF hmumpi a simi Thantlang peng camp Victoria he ai naihnak meng 20 tluk hrawng lawng ai hlatnak Thantlang khuapi ah Kawl ralkap nih an thazang an chap thluahmah cang.
Kan hnu ah khan Thantlang ah Kawl ralkap 200 leng an phan. Nihin September 4,2021 ah Hakha in Thantlang ah Kawl ralkap ke in minung 80 hrawng Thantlang ah an kalchap.
Thantlang khua chung ahhin Kawl ralkap a tlawm bik minung 300 cu an um cang tinak a si.Camp Victoria he ai naihnak hmunpi a si.
Thantlang ah CNF zung zong a umnak a si fawn. Cu caah Kawl ralkap nih CNF camp Victoria hi an van ngiar pah than cang timi a hung lang ngai. Credit: The Chin Info!
Relchap: Ralhrang hna nih Myaing peng chung ah CDM a tuah mi cozah riantuan hna i an inn cu September 5 ni ah lut in an tlaih hna tiah Myaing peng cozah riantuan pakhat nih a chim.
Myaing peng vialte cozah riantuan hna in cu an kawl hna ,tlaihkhih an tuah Khuapi fonh in an tlaih mi hna hi fianghlang in kan thei kho khi rih lo.Nihin ah Sayamah Za Chi Lyin inn an an lut amah a um lo caah a pa le a ta le cu an velh hna hnu ah an tlaih hna i Myaung palek riahbuk ah an kal pi hna.Adang cozah riantuan hna cu an um nak hmun in an zaam cang ” tiah a chim.
Atu bantukin CDM a tuah mi cozah riantuan hna kawlnak atuah mi ralhrang hnuzulh hna cu a si khawh ning poh in kan lehrulh ve hna lai tiah Myaung mipi veng tu phu le ႏွလုံးလွလူမိုက္ႀကီးမ်ားအဖြဲ႕ nih tuanvo ngeitu hna cu an chimh hna.#DVBnew
Leave a Reply