SAC Ralhrang Nih Baptist Pastor Sui Ling Inn An Luhhnawh I Mi Tlamtling lo Pa An Velh

Kalaymyo Peng ah Chinmi inn 12 PDF inn tiin SAC ralkap nih mei in khangh

Kalaymyo Thlanglei Kyantha khua ah Chinmi inn 12 cu PDF inn a si tiah puh in SAC ralkap nih an khangh, pumtlinglo pakhat zong faklak in an velh tiah theih a si.

“Baptist Pastor Sui Ling inn ah an luut i holh thiamlo le hnachet mi pumtlinglo pa cu an velh. Ahnar le alu aa hliam. Hi SAC ralkap pawl hi motorcycle 20 hrawng in September 8 ah khan khuachung ah an hung lut. Khuami an zaam dih i kum upa le a zaam kholo mi lawng kan taang. Inn 5 hi chunlai ah an duah/khangh i a dang poh hi zaan ah an khangh,” tiah khuami nih an chim.

An khanghpiak mi inn hna cu; U Maung San, U Kyaw Moe, U Win Aung, Daw Nu Sein, Daw Se Suat, U Tam Ngai, Daw Khin Kyi, Pu Van Bawi Thawng, Pu Thang Ling, Daw Tin Tin Cho, Pi Siang Nu, Pu Mang Tat hna inn an si, tiah ZALEN nih a tial.THT

Relchap: Mandalay duhlonak langhter tu.mipi hna cu ralhrang nih mawtaw in an pah hna pakhat a thi, minung 2 an tleih hna,10 September 2021

Mandalay, Chan Aye Thar San peng ah September 11 zing.lei duhlonak a langhter tu mipi hna cu ralhrang phu hna nih mawtaw in an pah hna an then hna tiah kan theih.

Minung 2 cu an tleih hna i pakhat a thi tiah thawng kan theih. Duhlonak langhgrr nak hmun ah Daikal pakhat cu mawtaw in an dawi i an pah caah minung pakhat a thi.

Ralhrang nih hin an tleihna an kah hna ko na te in Mandalay cu nifatin in duhlo nak an langhter peng ko rih.

# Mizzima