SAC Ralhrang Nih An Tlaihhrem Hna, An Thah Hna I, An Celh Tilo Caah Thong Tampi An Zaam

SAC ralkap nih thah, tlaih le hrem ruang ah Tantse Peng in khuami 5000 tluk an zaam

August 30, Sagaing Ramthen Tantse (Tangse) Peng Kapaungkya le Leikchan khuate hna in khuami 5000 hrawng cu SAC ralkap nih tlaihkhih le hrem ruang ah an zaam.

Khuami minung 7 an thah cang hna i khoika ah an um theih khawh ti lo mi zong an um hna. Cu ruang ah an zaam i tirawl eidin ding kong tiang in bawmhchanh hau an si, tiah KTM nih a tial.THT

Relchap: Matupi Ah Ralhrang Pakhat Nih Bothumpa a Kah Hnuah Amah Le Mah A That Nizan August 29 ah Matupi khah-lah-yah (140) ah Bothumpa pa nih ralhrangbu chung thazaang pek nak cakuat a rel piak hna lio ah ralkap pa pakhat nih meithal in a kah hnuah a mah le mah zong meithal in a kap ve tiah theih a si.

Mah cakuat hi ralhrangbu nih an chungtel minung hna an tlik zaam lo nak dingah ramchung ralhrangbu hna vialte sinah August 29 ah an kuat mi thazaang pek nak cakuat a si tiah theih a si.

Mah ralhrangbu thirhri cakuat ah a caan a zat tikah Daw Aung San Suu Kyi kan thlah lai, rampi thimnak zong kan tuah lai ti mi a si i, an bawipa nih a rel piak hna lio ah ralkap pakhat nih ‘an lih lawngte’ tiah a au i, ca a rel piak tu bothum pa cu a meithal in a kah hi a si.

Mah hnuah amah le amah zong meithal in a kap ve i, an pahnih in an thi tiah tatyi (140) ralhrangbu chungte hna nih an chim.
Ralhrangbu nih nawlngeihnak a lak hnuah ramchung hmunkip in ralhrangbu chuah takin CDM a lut mi 1500 leng an si cang.Zaam a duh mi zong NUG nih CDM code number an pek cuahmah hna tiah DVB nih a tial.Ref; DVB :TCP