SAC Ralhrang Minung 48 An Kah Thah Than Hna

Kawkaride Kahdohnak Ni-12 Chung Ah SAC (48) An Thi An Hriamthil Fim Chih A Si
=================
January -8
Karin ram Kawkaride peng KNU B-6 hmunram Asian lampi i ni -12 chung tukdohnak a um mi ah SAC ralhrang (48) an thi i anhriamthil fimtawl chih a si nak Cobra phu nih an thanh.

Dec-19 in Dec-31 ni tiang tukdohnak chung ah SAC ralbawi (2)relchih in (48) an thi i ankuttang ralkap (61) hliam an sileng ah an hriamthil fimtawl chih a si nak le SAC lei in khah-lah-yah 231-230-97 / miakpi tat 547 / tat-mah (44) kuttang um khah-mah-yah 9 / khah-lah-yah 104 / tat-mah (11) zuhchap thazaang hna nih Asia lapi le Kawhnuai khua lei ah thazaang tamngai he rilonh in ralser an i timh caah tukdohnak a chuah hi a si tiah theih a si.

Mizapi ralkap lei in KNLA B 18 – 27 / Cobra ralthluan / Dawnah ralthluan / Keirang ralthluan / Dragon rang ralthluan / Federal Wings drone phu hna nih an dirhnawh hna hi a si. Cobra ralthluan chung tel (10) hliamtuar in (1) a nunnak a liam i,Dawnah ralthluan in (4) le Dragon rang ralthluan in (3) nih hliam an tuar tiah theih a si.

Kahdohnak chung in SAC hriamthil MA3 zun(2)/ MA2 – sehhme (1)/kyanbawm (12) / 40 MM kuan lung-29 / kelamh mine lung -2/ kutcheh bomb. lung-6 / RPG kuan lung -2 / zenthong -3 / 60MM kyan lung-1/ 7.62 kuan 565 / kuankhannak lukhuh -6 hna cu cobra phu nih an fimtawl tiah theih a si.
KNLA B-18 zong nih MA3 zun -1 an fim ve i SAC ta thirphaw in kham mi motor (2) an hrawhkhawh i,SAC hna nih Kawnuai khua mipi inn (18) mei in an khangh i,khuachung um inn dihlak ti awk airawk leng ah inn zuat satiil zong an thi dih tiah theih a si.

Relchap>>>>MAH Nih A Pennak Hmun Zungzal Awk Ah Aa Ngeih Mi Simankin Pathum (Part 2)

Dotkhatnak: Pennak chansaunak caah a biapi bik mi, 2023 Thimhnak ah, MAH nih PR (Proportional Representation) mumal kan hmang lai an ti. 2008 Phunghrampi ningin Rallokap Palai pa nih Tamada siseh tinak asi. PR phung ahcun Party pakhat nih tei khawh asi ti lo. Party siseh, Independent siseh, I phawtzam cio mi phung asi. Tlangcung mi cu Hlutdaw ah kan phan lai nain Tamada kan si khawh lai lo, Tlangcung mi duh ningin Hlutdaw ah biachah khawh asi lai lo, Palai tam deuh cu Kawl miphun an si rih lai caah.

 

Cun Amyotha Hlutdaw lawng ah biachah siloin, Pyidaungsu Hlutdaw ah biachah asi. Pyithuh + Amyotha Hlutdaw cu Pyidaungsu ti asi. Pyithuh cu Myone zoh in thimh mi Palai asi caah, Kawlte minung an tam deuh lai, Hlutdaw ah Tlangcung mi duh mi Federal phung ngah khawh asi lai lo.

 

Dothnihnak: 2008 Phunghrampi kan remh lai I, Tlangcungmi Duhmi Federal Phunghrampi in kan thlen lai tiah an kan hlen lio asi. Zeitintiah 2008 phunghrampi ning in Tlangcung mi duh mi Federal asi khawh lo caah, Phung Hrampi remh ding a ti na, Phunghrampi a thar in suai ding a ti na, tiah Tlangcung mi hruaitu hna an si kha MAH nih a hngalh tuk caah, hihi tanbo ah hmang in an kan hlen ve. 2023 thimhnak ah PR phung in Tlangcung mi Palai tampi an rak kai ve lai caah, Hlutdaw ah 2008 Phunghrampi kan remh lai, Tlangcungmi nan lungtlin rih lo ahcun Phunghrampi a thar in kan ṭial lai tiah MAH nih Aithing a paih lio asi.

Dotthumnak: Cunglei ah langhter mi Dothnih ningin a hlawhtlin khawh nak hnga, 2023 thimhnak hi asi. 2023 thimhnak pin lei ah, Phunghrampi kan remh lai / phunghrampi thar kan suai lai tiah, Tlangcungmi cu ruahchannak tampi pek in an kan hlen lio asi. Cucaah EAOs tam deuh cu MAH he an I kawp I, CNF <KAI <KNPP <AA >TNLA tbk lawng nih NUG le mipi he an I kawp ve.
Fainternak: Part 1- Part10 asilai. Rel rak i zuam ve. Part 10 a dih in Email in PDF in kuat khawh na si. Ka sian ko Man lo tein.Crd… Joseph R. Thang

Be the first to comment

Leave a Reply

Your email address will not be published.


*