Internet line an phihnak zarhhnih a si cang mi Kachin ramkulh Phakanh peng Lung Khin (လုံးခင္း)Sizung chung in riantuan tu hna an umnak innhmai ah September 5 zaanlei suimilam 7:30pm ah bomb a puak tiah khuami pakhat nih a chim.
” Rallokap uknak in Lung Khin(လုံးခင္း) sizung cu on than ding in khua nu khua pa cu an lem hna.On ding le on lo ding cu September 6 zing suimilam 10:00 Am ah sizung chung ah meeting tuah ding in ca an pek cang hna.September 5 zaan ah bomb a puah hi a si.A hliam mi cu an um lo” tiah a chim.
August 31 zinglei zong ah Phakanh peng Sipin zung luhnak kutkaa ah bomb a puak i a hliam mi tu cu an um lo tiah theih a si.
Phakanh peng cu August 20 Zaan 8:00 Pm thok in internet line vialte le WiFi vialte cu nihin tiang an phih dihh .Phakanh ahcun rallokap uknak duh lo nak pehzulh in an langhter peng rih.#DVB;TCP
Leave a Reply