SAC Ralhrang kahnak In Mipi Ralkap Nusaltha Pakhat A Nunnak A Liam

RIP : Cobra Column Phu ii thilri Phawrtu Mawtaw ,Lamtantim ah Kah an ton caah chungtel (3) nunnak a liam.

Kayin ramkulh, KNU Brigade (6) Hmunram chung ii Cobra Column phu hna thilri chantu Mawtaw pakhat Nizan November 22 zanlei sang ah Lam tantim in Ralhrang nih an kah hna caah Cobra column phu in chungtel 3 nunnak a liam tiah thawng theih a si.Hi Mawtaw hi Wawlay mawtaw lampi cung ah kah an ton hi a si.

Cobra Clolumn chungtel pakhat nih “ Cobra column Phu ii thilri phawr tu mawtaw kah a ton caah a cung cuang minung 10 chung ah 5 cu an luat,2 hliam an tuar ii 3 cu an nunnak a liam,kah an ton caah mawta cu ai let ii an ruak hna cu November 23 zing ah har ngai in an laak hna” tiah Ayeyawaddy Times ah a chim. kah a tong mi mawtaw pawngkam ah ralhrang pawl an um peng caah November 23 zing lawng ah a thi mi 3 ruak le aa hliam mi 2 hna cu harsa ngai in an va laak khawh hna hi a si.

Cu ti lam tantim in kah nak a dih in kap hnih kar kahdoh nak a chuak ii Cobra Column lei in ralkap 7 hliam an tuar,Ralhrang lei zong in a thi mi an um tiah a chimchap.

Cobra Column in a nunnak liam mi ralkap (3) hna cu,Aye Mu ,Kum (28) ,LuLu Phaw Kum (22) le Ralkap Kyawgyi Kum(20) hna an si tiah theih a si.

relchap>>>>>>Pauh peng sa-Ting (စသိန်း)khua cu SAC ral hrang pawl nih Tu zing ah mei in an khangh than

Maguai ram then Pauh peng ii aum mi Sating khua cu SAC ral hrang pawl nih Tu Ni zing lei ah mei in an khangh than taih tual chung hriam tlai phu sin in theih asi.

Tu Ni Nonember Ni (22) zinglei suimialm (7:25) hrawng ah ii thawk in Sa-ting khua cu mei in an khangh than hi asi ii mipi Inn (20) nak tlawm lo aciam tiah theih asi.

Pauh peng chung ah ral lam asial mi SAC ral hrang pawl nih hin Pauh peng chak lei ii aum mi Sa-Ting khua cu November (22) ni zaan zong ah khan mei in an rak khangh cang ii tu ni zing lei Zong ah khan mei in an kahngh than hi asi.

Hi ban tuk in SAC ral hrang pawl nih mei in an khangh caah hin Mipi pawl hna cu zan te in khan khua chuak bak in an zam dih tiah Tual chung mipi veng tu ralkap sin in theih asi.

SAC ral hrang pawl cu Pauh peng chung ah lut in mipi inn pawl hna cu an khangh caah khua khua (6) ii Mipi Minung (5000) reng lo hna cu ahim nak hmun ah an zam hna tiah tual chung mi pakhat nih cun achim.

 

Be the first to comment

Leave a Reply

Your email address will not be published.


*