Sagaing ramthen khualipi pakhat a si mi Manywa cu khuachung a chawk mi pawl SAC ralhrang nih an chek lengmang i a ho ti hngalh lomi nih bomb a puah i Min Aung Hlaing ralhrang lei in a thimi le hliam a tuar mi an tam tuk tiah theih a si. Bom puahnak hmun a tamtuk pin ah a tu le a tu bomb an puah cang.
Monywa hi Western Headquater a umnak hmun a si bantuk in Min Aung Hlaing ralhrang pawl nih ralhrang uknak a duh lomi hna sandahpiahnak hmun pawl an kah len hna nak khua khuapi a si. NUG nih rampum raldoh ding an phuan hlan deuh hmanh ah khan bomb hi a tu le a tu a puah cang.
Relchap: Tuzing september 9 ,2021 ah Thantlang khuapi ah SAC min Aung Hlang ralkap le CDF an i kap cuahmah tiah theih a si . A tuihi an i kap cuahmah liopi a si caah thawngpang fiangtein thanh a har rih tiah khuami pakhat sin in kan theih. Mah an i kahnak ah hin Ralkap minung a thimi cu an um len cang tiah an zumh. CDF thantlang pasaltha hna Pathian nih in um pi hram hna seh. A tu hi an i kap cuahmah liopi a si mipi nih thla cam piak hna usih!
Relchap:Chinram chaklei i a um vialte hna hna caah theih a herh taktak mi thawngthanhnak an tuah cang,. ..kalay-Tidim-Tonzang-Cikha-Falam le Hakha le Thantlang khualam ah a hohmanh kal tilo dingin thawng an tnah cang hna, mah a thanh tu hna hi chimram hriamtlai Zoland le CDM hna nih an thanh m,i a si. A herh tuk i nan chuakvahh a si ahcun nan motor thlalang awng kha khar hlah uh tiah ralrinnak mipi sinah an thanh chih.
D-Day an thanh hnu in kawlram chung khuapi hmun tamtuk ah bomb puahthawng le meithal thawng a dai kho tilo. A hmunkip ah kahdohnak a chuak i kan chimram khualipi a si mi Hakha khua ah le Thantlang khua hmanh ah a tu le a tu raltuk thawng theih a si cang. Mipi nih kan chimram hriamtlai hna i an thawngthanh mi hi kan zulh hrimhrim a herh mi a si. Kanmah himnak caah thawng an kan thanh ni a si.Kalay lairawn News
Leave a Reply