KaYin National Union (KNU) kulh chung ah SAC le an kut tang a si mi BGF hna nih an kah hna caah khua mi nung 500 tluk ral him nak hmun ah an zam tiah KNU nih a chim.
SAC ralkap nih an hlawt cang mi Kyeke Sakhan ah hmun hma an la than i khua pawngkam ah ralkap cawlcangh nak pawl an tuah tik ah nihin zing ah GawKarike peng PaingKaLaDon khua kam ah kah nak a chuak.
Cu an i kah nak ah cun SAC lei in ralkap minung 6 hliam hma an tuar i minung 3 cu an fak ngai tiah Padusawlittan nih a chim. Cu pin ah khua mi cheu khat hna zong an tlaih hna tiah thawng kan theih tiah a chim.
“An i kah poh ah mi an tlaih mi hna hi cu punghman si cang ko. A tu an tlaih mi hna hi minung zei zat an s ikan thei rih lo. A zam mi hi minung 400 in 500 kar lak an si” tiah Padusawlittan nih a chim.
Kawtharnaw, Kyeke, KuinKalay khua hna pin ah a pawngkam khua hna chung zong in khuami hna ral a himnak ah an zam tiah a chim chap.
Cu an i kah dohnak ah cun SAC he BGF pawl zong an i tel i SAC nih BGF pawl cu hmai an suan ter hna tiah kan theih.
Source: Mizzima
Leave a Reply