SAC Ralhrang An Tlu Cuahmah Cang

PDF nih nihin sept 12 zongah SAC mytel tower cu bomb in an thuat than i ralhrang an buai taktak i an thin lingh zong an celh tilo.Min Aung Hlaing zong nih PDF pawl a tuanmi chungkhar cung tiangin phungthar se a timh cang.

Mytel Tower pawl PDF nih an hrawh i bomb an puah mi hi ISIS ralhrang bantuk cawlcanghnak le Taliban ralhrang bantuk cawlcanghnak a si tiah nihin September 11,2201 ah Zaw Min Tun nihcun a chim.

Kanmah Kawl ralkap nih voi tamtuk kan theihthiam hna i kan ngeihthiam cang hna. ISIS ralhrang le Taliban bantuk in PDF cawlcanghnak hi ramri a hrawh tu an s. Kan ralka bawi Min Aung Hlaing zong nih mahhi kong hi a chim cang. Mytel Tower PDF pawl nih an hrawh mi cu sullam ngei lo a si tiah Min Aung Hlaing zong nih a chim cang.

PDF pawl nih mah bantuk Mytel Tower bomb puah le hrawh hi an ngol lo a si ahcun ralkap nih upadi thar kan ser lai i PDF hna an chungkhar le an sahlawh rualchan tiang in kan tlaih hna lai, thong kan thlak hna lai. Mytel tower a hrawh tu poh cu thihdan kan pek hna lai tiah Zaw Min Tun nihcun a chim.

A tu zong PDF hna nih Mandalay le Yangon khuami hmun kip ah bomb an puah i ralkap le palik tampi an thi, hliam an tuar. PDF hna umnak a theimi nih ralkap sinah a rannak in thawngpang nan pek lai tiah Zaw Min Tun nihcun a chimchap. Bogo Wacth

Kawl ralkap nih uknak an lak hnu ah tu hrawng hi PDF nih Mytel Tower tung hrawh le ralkap sakhan lei mei electrict hrawh bak in an i la. Mytel tower hi 50 leng an hrawh cang ti a si.

Mytel company hi Kawl ralkap ngeihmi company a si. Kawl ralkap nih phaisa an hmuhnak lam a si caah PDF pawl nih an hrawhnak a ruang cu a si. Kan hnu ah khan Min Aung Hlaing zong nih nunnak a ngei lomi Mytel tower cu hrawh hlah uh. Nan ngamh taktak ahcun Kawl ralkap tu hi kan thua ko uh tiah a rak chim ve cang.

Be the first to comment

Leave a Reply

Your email address will not be published.


*