SAC Ralhrang 450-500 Kar An Thah Cang Hna

Kayah ramkulh ahhin i kahnak voi 200 leng a ummi chung ah Kawl ralkap 450 leng an thih hi a si. 500 leng hliam an tuar.

Kayah ramkulh ahhin minung ting thum hrawng lawng an um nain minung ting khat leng ralzam ah an cang. Kayah ramkulh chung ah Kawl ralkap nih raltuknak Tank zong an chiah. Ralkap thazang a thong leng an um.

Kawlram chung ahhin hriamtlai lei nih media sinah an chim ning cio in tuak tik ahhin Kawl ralkap a thimi zat hi Kachin ramkulh ah ralkap 2000 hrawng, Karen ramkulh ah ralkap 700 hrawng, Shan ramkulh ah ralkap 250 hrawng le Chin ramkulh ah ralkap 500 hrawng hi thih cang dawh an si.

Cun anmah Kawlrawn chung Sagaing ramthen, Pako ramthen, Mandalah ramthen le Yangon ramthen ti bantuk ah Kawl ralkap tampi an thi ve cang. Kawl ralkap nih uknak an lak hnu ah ralkap lei tang a simi ralkap bawmtu dalan tiah ruah mi minung 300 hrawng zong thah an si ve cang.

Kawlram ah ralkap nih uknak an lak hnu ah hriam a tlai lomi sandah piah ruang ah mipi minung 1000 leng ralkap nih an kah thah ve cang hna. Minung 5000 leng thong ah an tla.

Kawlram ah ralkap nih uknak an lak hnu ah khuapi in khuate tiang buainak in a khat dih cang. Kawlram cu buainak le i kahnak in a khat dih.