Kawa ramthen DiMaw myo nee i sanpiah khua 6 hna pawl cu Min Aung Hlaing Ralhrang misual pawl nih zahan D-Day phuan niah an khua chung bak ah Min Aung Hlaing ralhrang 300 leng hmun kip in an rak lut tiah theih a si.
Khua chung an hung luh ah hin an i hrocer i an inn chung thilri pawl duhpoh in an sawksam hnu ah inn an duh mi inn poh an khangh piak hna tiah theih a si. SAC ralhrang pawl an sual tuk caah khuachung mi a hohmanh vak chuak lo dingin DiMawSuu le LuaiKaw karlak mipi cu vakchuak lo dingin thawng an thanh.Lairawn
Relchap:KNU/KNLA (စစ္ေရးခ်ဳပ္, adjutant master)a tlai tu Major Gen. Saw Pi La Sein cu tuzing suimilam 5, September 8 ah Thai ram, Maesot sii inn ah a nunnak a liam.
Major Gen. Saw Pi La Sein hi zunthlum, thisen sang, lung zawtnak a ngei mi a si i, chantlingin a nunnak a liam mi a si. A ruak vui a si hnuah thildang a herhmi hna cu tawlrel a si te lai tiah a fanu Naw Ka Sia nih KIC sin ah a chim.
Major Gen. Saw Pi La Sein hi 1964 march 15 ah KNU ah miphun dohthlennak riantuan hram a thawk mi a si i, ralkap lei rian changchang in a tuan hnu 2004 ah general rank in adjutant master rian khinh a si i, A thi ah kum 75 a si cang.
Amah hi a liam cang mi KNU chairman hlun le KNLA bawizik Gen. Saw Ta Ma La Baw fapa pahnihnak a si i, KNU vice chairman hlun P’do Naw Si Poe Ra Sein upa a si. A ruak hi Maesot, Theksabang thlanmual ah nihin ah vui a si lai i, a dap cu KNU umhmun pakhat ah ralkap phungning tein vuinak caan hman a si lai tiah theih a si. Major Gen. Saw Pi La Sein nih hin a nupi Naw Sei Sei, a fa 4 le a tu le a kaltak hna.Ref; KIC;TCP
Leave a Reply