Ralhrang phu khah-lah-yah (104) in minung 28 cu an hriamtling he an zaam; Hramhram nawlngeihnak la tu ralhrang phu khah-lah-yah(104) in ralhrang minung 28 nih an hriam tling nih riahbuk an chuahtak i mipi lei ah an dir.
Taningtari ramthen Thawai (ထားဝယ်) ah umhmun khuarmi ralhrang phu khah-lah-yah (104) hna hmunhma tlangcung riahbuk Myakhapat(မြခါပတ်) khua, Labawngtawng(လားဘောင်းတောင်) riahbuk in ralkap minung 28 nih an hriam tlamtling he zaam tak, mipi lei tang ding in tiah cuka hmunhma thawngzamhnak nih a langhter.
Nawlngeihnak la tu ralhrang phu khah-lah-yah (104) in sakhan chuahtak mi ralkap hna cu Lawnglung peng nitlak lei tiang ralhrang phu minung thazaang tampi nih an kawl hna tiah cu cathanh ah cun an langhter.
Relchap; Chin ramkulh Hakha khualipi ah nizan Sep,4 zaan sml 11 hrawng ah ramkulh cozah zungpi, zungkip fonh zung,myanmar economic bank hmaiah kahnak a chuak, ramkulh zung hmaiah humhimnak tuanvo a lami rallokap cu kuanfang nih a khen caah athi tiah theih asi.
“Nizan zaan ah kah thawng kan theih, zungkip fonh zung ah an i kap, Bank hmai ah an i kap, ramkulh zungpi humhimnak tuanvo latu rallokap pakhat cu arak chuah ah meithal in an kah i thi tiah” zung pawng um pakhat nih a chim. Cu hnu zongah Hakha khua luhnak Gangaw leiah ummi 266 battalion zong RPG in kah asi, cu hnu ah khat le khat kah thawng cu kan theih, hliam pu um le um lo theih a si rih lo tiah theih asi. Crd, the chin post
Leave a Reply